MUNGSHIKHÜN 111:10 - AMÜSÜH HÜM CL Bible (BSI)

¹⁰ Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 111:10 Iomraidhean Croise

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 145:2

Nimung aban inü nü shibah tüsho inü lünnü lün nü mung shibah.

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 3:4

junangde nünü Thrünpuh tüsho mihtsürü miki amuzho tüsho mung atsü ngübah.

MÜCHITMUDU 9:10

“Atungpuh trekhi ju lümlung atankih ah, tüsho Amüsüh Khülang mükheahmudu ju anikhitkhi lah.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

LEVI 19:14

Nünü nükhünpeangrü dathru tüsho müktukrü müngüh jing mükhebe düzojih; nünü nü Thrünpuh treang: I Atungpuh ah.

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 25:23

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

JOHAN 12:43

tümüde arünü Thrünpuh mungshi kheaknü mihtsürü mungshi alü muzhodo.

JOHAN 13:17

Nüsanü harü mükheahde rhimosho nüsa asühpü.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

YUZÜNGTHALO 4:6

Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.