MUNGSHIKHÜN 110:6 - AMÜSÜH HÜM CL Bible (BSI)

⁶ Apinü trükshih bolung mahkhapbah, apinü dangpungbo ashemibonü amishihbah, apinü alomi alala yakzanshuhrü zünakbah.

MUNGSHIKHÜN 110:6 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

MUNGSHIKHÜN 68:21

Tsükjide Thrünpuhnü api riri kubo, arü neakbo ching yürü kuyü kihkhi thangphülang zünakbah.

MUNGSHIKHÜN 68:22

Atungpuh nü tha, “Inü arübo Bashan chingnü belode arübah, inü arübo keto asükbo chingnü belode arübah,

ISAIA 11:3

Api asühkhi Atungpuh wüntrekhi ching labah, apinü amüknü angükhinü mahmükhap, yungsho anükhünnü asokhinü mükhikzhak;

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:4

Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

MIKA 4:3

Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

HABAKKUK 3:13

Nünü nü mihtsürü khümkhitpü, mujude-mokhitkhi khümkhitpü mikhuh ching arü. Nünü mihbukmuyuk lomi limberü zünak, ku chingnü jing khiungde khuka bahjih.

JOHAN 5:22

Tümüde Abuhnü sheshe mahmükhap tüshe mahkhap alala atsührü kilim jihdo,

AMIKHEAKAKHIUKKHI 14:20

kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”