MUNGSHIKHÜN 110:2 - AMÜSÜH HÜM CL Bible (BSI)

² Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 110:2 Iomraidhean Croise

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

ABEKHIT 7:19

Judüki Atungpuhnü Mosa ki tha, “Aron ki thaang, Nü tso luang tüsho Ijip ching ayungbo, kerubo, kedükim tüsho kekhip kumung nü khah chungkihang, junangde jurü thiyih kambah; tüsho Ijip lomi alala ching, sang le lung pangjiphüh chido ching thiyih labah.”

ABEKHIT 8:5

Judüki Atungpuhnü Mosa ki asuk, “Aron ki thaang, ‘Tso shuhbah nü khah ju yungzübo, ayungbo, kekungbo kumung chungkihang, tüsho Ijip lomi kheak kheangbo yükihshang.’”

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

JEREMIA 48:17

Api kurungkheak tüzhoang, nüsa api yamhingrü alala, tüsho sherünü api mung mükheahla; thaang, “ Küde Wuto tso zhakde, müretahkhi tso!”

EZEKIEL 19:14

Akhah dungto khülang chingnü mo akhiuk tüsho aso aniuabah. Jumonü akhah adüküng yakzanshuhrü tso thsüpü khiukde ju kheak maning. Ha tüzhokhi khülang tüsho tüzhopü kamabah.

EZEKIEL 47:1

Jushu apinü I arüngyam ripit ki belodarü; arüngyam ching düküyukpung khüpnü ke bukde aniakhiuklim yüde alakheah (tümüde arüngyam ju aniakhiuklim abin); ke ju kingaün sadam düjinglim, arüngyam düjinglim thrip khüpnü bukde aki.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.