MUNGSHIKHÜN 11:7 - AMÜSÜH HÜM CL Bible (BSI)

⁷ Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 11:7 Iomraidhean Croise

JOB HU H T ANYU 36:7

Apinü thiyuro kheaknü api mükji muluakhin, tüshe kiulongthsürü lung kiulongthsü-binkiu kheak apinü arü lünnü binshihchoh tüsho arü shuhkih-a lah.

MUNGSHIKHÜN 146:8

Atungpuhnü müktukrü mükbo khimshuhjihchoh; Atungpuhnü mükhüma larü bemusuchoh; Atungpuhnü thiyuro-lungkirü muzhochoh.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 21:6

Tümüde nünü api lünnü müngühmühi thsüjih; nünü nü bede api khitode asühde kamshih.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 33:5

Apinü thiyuro-lungki tüsho thiyuro muzholah; alomi ju Atungpuh muzhodakkhinü milah.

MUNGSHIKHÜN 34:15

Atungpuh mük ju thiyuro-lungkirü lim, tüsho api nükhün arü zhikhi thrip lah.

MUNGSHIKHÜN 37:28

Tümüde Atungpuhnü thiyuro muzhochoh, tüsho api yo amüsührübo mübahyuk; arübo lünnü küma lah, tüshe mihbukmuyuk tsühsoniusobo yankhita bahbah.

MUNGSHIKHÜN 42:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 45:8

Nü khimmihbo alala rhümthüneabe, aloe tüsho kassianü rhümthüneashih, thsotorü yambo chingnü arünü nü asühshih.

MUNGSHIKHÜN 5:12

Tümüde nünü thiyuro-lungki müngühjihchoh, O Atungpuh ; tsung khülang nangde nünü lümrhihde api kümdochoh.

MUNGSHIKHÜN 7:11

Thrünpuh ju thiyuro mahkhaprü ah, tüsho Thrünpuhnü mihbukmuyuk kheak animokhün bukakhiukchoh.

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

1 PETER 3:12

Tümüde thiyuro-lungkirü kheak Atungpuh mükbo lah, tüsho api nükhünbo arü tamkhüntamnükhi lim lah. Tüshe Atungpuh miro amütsü rhimorü azhihde lah.”

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.