MUNGSHIKHÜN 11:4 - AMÜSÜH HÜM CL Bible (BSI)

⁴ Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 11:4 Iomraidhean Croise

1 KIUTHSÜYUKHEAN 17:5

Tümüde inü Israel bekhitkhi nimungnü thüyam ching laamükheah, tüshe I khimyam tüsho arüngkhimyam ching lakheah.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

JOB HU H T ANYU 24:23

Apinü arü kilim tsokhitpung jihchoh tüsho arü tsunglolah; api mükjibo arü limrobo kheak lah.

MUNGSHIKHÜN 103:19

Atungpuhnü api kiulongthsü-binkiu yinmi ching thsüa zolah, tüsho api kiulongthsünü alala kurungkheak yakzan shuhchoh.

MUNGSHIKHÜN 113:5

Shepü ju achang kheak lakhi Atungpuh isa Thrünpuh nangde la,

MUNGSHIKHÜN 139:23

I yimang, O Thrünpuh, tüsho I mulong mükheahang;

MUNGSHIKHÜN 14:2

Khürünü lümlung lade rhimode Thrünpuh yimcho shi yungnü akheahpü, Atungpuhnü yinmi chingnü mihtsürübo kheak abinkhia kheahchoh.

MUNGSHIKHÜN 18:6

I lümthsünü ching inü Atungpuh jichoh; arung thsungkheak inü I Thrünpuh ki ji. Api arüngyam chingnü apinü I düsheak so; tüsho inü azhikhi api nükhünbo khiung.

MUNGSHIKHÜN 2:4

Yinmi ching binbuhnü münechoh; Atungpuhnü arü kheah-a münejihbah.

MUNGSHIKHÜN 33:13

Atungpuhnü yinmi chingnü abinkhia kheahchoh; apinü mihtsürü tsührü alala ngüchoh;

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

MUNGSHIKHÜN 66:7

Apinü api wu hode lünnü yakzan shuhchoh; api müknü trükshihbo kheahyukchoh; azhihrübo arü küdah thsüde düshuhkihshih.

MUNGSHIKHÜN 9:11

Zion ching lakhi Atungpuh mung shikhi khün thsang! Mihtsürü bolung api rhimobo thaang!

MÜCHITMUDU 15:3

Atungpuh mükbonü dangpung aban ching amütsü tüsho atsü kheak kheahde lah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

MATHI 23:21

Shepünü arüngyam tamde thiyuchihchimchonü, ju le ju ching labuh tamde thiyuchihchimchoh.

MATHI 5:34

Tüshe inü nüsa ki thachoh, yinmi tamde thiyuchihchim düthsü, tümüde ju Thrünpuh kiulongthsü-binkiu ah;

YUNIRÜBO RHIMO 7:49

‘Yinmi I binkiu, tüsho alomi I jing-dubopung. Nüsanü I khilim tümü yam thsüjihkhea, Atungpuhnü thachoh, yungsho I sühakhimpü dangpung tümü a?

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 4:2

Judüakede I Me ching lakheah, tüsho kheahang, mihtsürü khülang binbah yinmi ching kiulongthsü-binkiu khülang akhiuk.