MUNGSHIKHÜN 11:2 - AMÜSÜH HÜM CL Bible (BSI)

² tümüde kheahang, mihbukmuyuknü alamme khüpnü mihtsürü atsü kheak kippü sanglüh hünkihbah hühzo amuchoh.

MUNGSHIKHÜN 11:2 Iomraidhean Croise

MUNGSHIKHÜN 10:2

Mihbukmuyuknü api kükheangkhi ching zhochihrü thsümüchichoh; arünü asahkhi lümkhi ching arü phuhshang.

MUNGSHIKHÜN 125:4

O Atungpuh , sherübo tsüla tüsho mulongbo alungki lanü arü ki atsü rhimoang.

MUNGSHIKHÜN 142:3

Küyimki I me zhidoa lakhea, judüki nünü I tsahpung mükheah. I tsahpung limro ching arünü ramde I thsungkheak müthrim zo.

MUNGSHIKHÜN 21:12

nünü arü kheak nü hühzobonü akipbah, tüsho rholobah alihde atsoshihbah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

MUNGSHIKHÜN 37:14

Mihbukmuyuknü zhochihrü le mülamüthsürü tüsho alungki rhimorü laksahpü nukshangbo dukkhit tüsho sanglühbo hünkihdo.

MUNGSHIKHÜN 64:10

Thiyuro-lungkirünü Atungpuh lung asühbah, tüsho api kheak kinbah. Tüsho mulong alungki larü alala müretahbah.

MUNGSHIKHÜN 7:10

Thrünpuh ju I tsung ah; apinü mulong alungki larü khümkhitchoh.

MUNGSHIKHÜN 7:12

Anihbuhnü murholosho, apinü nukshang zükhitbah; api sanglüh hünkihde thsakhamchoh.

MUNGSHIKHÜN 94:15

Tüshe mahkhapkhi ju thiyuro-lungki lim rholochoh, tüsho mulong ching lungkirü alalanü ju yanbah.

MUNGSHIKHÜN 97:11

Thiyuro-lungkirü kheak ayin tahchoh, tüsho mulong ching lungkirü kheak asühpü lah.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

MATHI 26:4

tüsho arünü rük thsüde Jisu rama lubah alaksahpü lümkhi thsü.

1 SAMUEL 18:21

Saulnü lüm, “Inü anihbe api kilim jihbah alibe ju anihbuh thsungkheak qimürip thsüshihanü tüsho Filistiarünü api laksahbah.” Jumonü mahne kipü Saulnü David ki tha, “ Kheakü nü I tsühmeak thsübah.”

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”