MUNGSHIKHÜN 11:1 - AMÜSÜH HÜM CL Bible (BSI)

¹ Atungpuh kheak inü tsoyukchoh; nünü küde thsah I ki thapü, “Wuhnu nangde müzüngbo ching phinde yüang;

MUNGSHIKHÜN 11:1 Iomraidhean Croise

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 16:8

Sudan tüsho Libyarü bonungrü hihkhi lung khora-lolungbe tüsho khoraberü khide hihde alakhi yung de? Judüalalashe nünü Atungpuh kheak düthsün angümonü, apinü arübo nü khah ching jih.

NEHEMIA 6:11

Inü alo, “I alihde ajikrü mihtsürü yung. Arüngyam ching jikde I rhangdung khümkhitbah de nünü lümcho shi? Inü jude müthsü.”

MUNGSHIKHÜN 16:1

I kümdoang, O Thrünpuh, tümüde inü nü kheak tsoyukchoh.

MUNGSHIKHÜN 25:2

O I Thrünpuh, nü kheak inü kinchoh, I achih düngüshih; I riribonü I dükukshih.

MUNGSHIKHÜN 31:14

Tüshe inü nü kheak kinchoh, O Atungpuh ; inü thachoh, “Nü I Thrünpuh.”

MUNGSHIKHÜN 56:11

Inü api kheak kinchoh, tüsho mütrede alabah. Mihtsürünü I ki tümü thsükhukpü?

MUNGSHIKHÜN 7:1

O Atungpuh I Thrünpuh, inü nü kheak tsoyukchoh; I müshamrü alala chingnü I khümkhitang tüsho bekhitang,

MUNGSHIKHÜN 7:2

jude yungsho kekhüzünü nangde arünü I zamthünakbah, tüsho shenü müyankhide adütre kamde thomüzütbah.

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

MÜCHITMUDU 6:5

Shihyanrü khah chingnü shihmüchi nangde, tüsho wuhnu-thsürü khah chingnü wuhnu nangde nü küdah thsüde akhiukang.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

LUKNÜ ATHRÜTKHI THIYUSHEAK-ATSÜ HUHTANYU 13:31

Ju nimung Pharisirü khürü arübah api ki tha, “Akhiukang tüsho ha chingnü tsoang, tümüde Herodnü nü laksahpü künlah.”

1 SAMUEL 19:11

Saulnü api yapsu laksahpü lümkhi thsüde David yam ching api kheahde yunithsürübo yüshih. David niube Mikalnü api ki tha, “Nünü khihre nü rhangdung mütsokhisho, nü shido laksahbah.”

1 SAMUEL 20:38

Jonathannü azübuh ki ji, “Nahdang, niokheamang, dütuklo.” Jumonü azübuhnü hühzobo momukhung tüsho nihbuh atungrü ki arü.

1 SAMUEL 22:3

Davidnü ju chingnü Moab lomi Mizpa ching yü. Apinü Moab kiulongthsüpuh ki tha, “ Thrünpuhnü I thsungkheak tümü rhimobanü inü mümükheahyi khiungde, muzhobah I buh le I be nü kilim arüshang.”

1 SAMUEL 23:14

Davidnü awung lomi Ziph sunglo lungkhün ching bin. Saulnü animokhün api yim, tüshe Atungpuhnü api khah ching müjih.

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”