MUNGSHIKHÜN 107:7 - AMÜSÜH HÜM CL Bible (BSI)

⁷ Tüsho apinü arübo alungki limrobo mikhuh be, junangde arünü alapü thsungkheak kiuto lim yüpü lakheah.

MUNGSHIKHÜN 107:7 Iomraidhean Croise

NEHEMIA 11:3

Harü ha Jirusalem ching lakhi lomi limberübo ah; tüshe alala Juda kiutobo ching nihbuh yamalo kheak arü kiutobo ching lakheah: Israelrü, amükeamrü, Levirü, arüngyam tankihrü tüsho Solomon yamlarü tsühsoniusobo.

MUNGSHIKHÜN 107:36

Ju ching apinü akhümrü lashih, junangde arünü alapü thsungkheak kiuto thsüpü lakheah,

MUNGSHIKHÜN 107:4

Arübo sunglo ching azhik limro ching rümde tsah; arü lapü kiuto müyimkhit.

MUNGSHIKHÜN 136:16

api mihtsürü sunglo hode abehobuh kilim, tümüde api amüthsüm lünnü rünkhiungde lah;

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

MUNGSHIKHÜN 78:52

Tüshe apinü anihbuh mihtsürü namfimihnunu nangde mikhuh yüshih, tüsho mihnu boto nangde sunglo ching be;

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 32:18

I mihtsürübo mungtsü lapung ching kurampung tüsho keamramde sühakhimpung ching labah.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

JEREMIA 31:24

Tüsho Juda le kiutobo alala ju ching rukhüh labah, tüsho thulu thsürü le tsotsahrümtsahrü arü mihnubo bebah alabah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

WÜHKHE 9:22

Hoju nimung mahne, yungsho khinu khülang, yungsho kam khülang thsüthsü, amo ju arüngyam kumung la khiungde Israelrübonü binkheampung ching la tüsho mütsahmusu; tüshe küyimki akhinabahkheanü arünü tsahmusu.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,

2 PETER 2:21

Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado.