MUNGSHIKHÜN 107:40 - AMÜSÜH HÜM CL Bible (BSI)

⁴⁰ apinü yakzanshuhrübo kheak abahyukkhi yükihshih, tüsho arübo sunglo ching limro mülapung rümde tsahshih;

MUNGSHIKHÜN 107:40 Iomraidhean Croise

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

JOB HU H T ANYU 12:21

Apinü yakzanshuhrübo bahyukchoh tüsho sühmüh larü chimrümbe trünjihchoh.

JOB HU H T ANYU 12:24

apinü lomi azothsürü kheaknü anikhitkhi lude tsochoh, tüsho limro mülakhi sunglo ching rümshihchoh.

MUNGSHIKHÜN 107:4

Arübo sunglo ching azhik limro ching rümde tsah; arü lapü kiuto müyimkhit.

MUNGSHIKHÜN 78:66

Tüsho apinü ariribo yanloa tsoshih; apinü arü akheam müla achih ngüshih.

ABEKHIT 8:17

Tüsho arünü jude thsü; tümüde Aronnü api tso shuhkihbah alo rhap tüsho asungthulungnü kurheakbo kambah mihtsürü le shiwüh kheak yükih. Ijip lomi alala ching asungthulung ju kurheakbo kamabah.

ABEKHIT 8:24

Tüsho Atungpuhnü jude rhimo. Pharao yam ching, ayamlarübo yam ching tüsho Ijip lomi alala ching somünaknü thsümünimjih.

ABEKHIT 8:3

Junangde kheangbonü Nile mithülambah, ju wukhiukbah tüsho nü yam ching, nü yo akhiungshakbo ching, nü yapkiu kheak, nü yamlarübo le nü mihtsürübo yam ching, tüsho phuru le phühbo ching arübah.

ABEKHIT 8:4

Tüsho kheangbonü nü, nü mihtsürübo, tüsho nü yamlarübo kheak yükihbah.’”

DANIEL 4:33

Judüchokinü Nebukednezar azhihde thiyu ju dünji. Api ju mihtsürü bolungnü yanabah, moshipung nangde rim tsüh, tüsho apang ju ayinkenü pang, tüsho anam ju müleang ghibo lokhüh tüsho api müzan ju wuhnu müzanbo lokhüh chin.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUZÜNGTHALO 32:10

Apinü api sunglo ching tüsho tümü mülakhi sunglo ching ngü; apinü anihbuh mükamdode, api küm, apinü anihbuh api mükji mukhiuk nangde neakde la.

AMIKHEAKAKHIUKKHI 19:18

kiulongthsürübo shih, wühkenorübo shih, mungkhung mihtsürübo shih, khorabo le aberübo shih, tüsho mihtsürü alala shih tsühpü zuzu tüsho azhorü, anini tüsho ato.”

MAHKHAPRÜ 4:21

Judüki Heber niube Jaelnü müzam khülang lu tüsho yümlung khülang akhah ching shuh, tüsho mükhihde yübah müzam ju amüchip chingnü kheana alo khiungde yüzahshih; tümütüsho api akeakkhinü nahde yapshea lakheah. Jumonü api sheabah.

1 SAMUEL 5:9

Tüshe arünü ju Gath lim hanbah arüshu Atungpuh khah kiuto kheak azhihde zukleangnü treshih; apinü kiuto ching larü azürü tüsho azorü alala kheak mü akhiukshih.

1 SAMUEL 6:4

Tüsho arünü tha, “ Api lung yüshihpü thsüde amülimkhi kingaün ju tümü a?” Arünü alo, “Filistia kiulongthsürü abande arümnü akhiukshihkhi suna mü phüngü tüsho suna phihnu phüngü; tümüde ha arüm nüsa le nüsa kiulongthsürübo kheak lakheah.