MUNGSHIKHÜN 107:3 - AMÜSÜH HÜM CL Bible (BSI)

³ tüsho lomibo chingnü bemukhung, aniakhiuklim tüsho aniyüzahlimnü, dukulim tüsho düjinglimnü.

MUNGSHIKHÜN 107:3 Iomraidhean Croise

MUNGSHIKHÜN 106:47

Nü mung amüsüh kilim makshe jihpü tüsho nü mungshikhi ching akuk ngüpü, isa khümkhitang, O Atungpuh isa Thrünpuh, tüsho isa khiungkerü bolungnü bemukhungang.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 54:7

Kim anükhüh thsungkheak inü nü bahyuk, tüshe amuzhokhi atonü inü nü bea lubah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 31:8

Kheahang, inü dukulim lomi chingnü arübo bedarüpü lah, tüsho limshu lomi chingnü arü bolung müktukrü tüsho jingkikrü, berünü khungarü hanbah tüsho thsünüde, rukhühnü bemukhungbah; boto ato, arübo ha ching alodarübah.

EZEKIEL 20:34

Inü wuto khah, achungkhitkhi khah, tüsho bukakhiukde nüsa müzütshihpung mihtsürü chingnü bekhitbah tüsho lomibo chingnü bemukhungbah;

EZEKIEL 36:24

Inü nü trükshihbo chingnü alubah, tüsho lomibo alala chingnü bemukhungbah, tüsho nihbuh lo ching nü beyukbah.

EZEKIEL 39:27

ju inü arübo mihtsürübo kilimnü belodarübah, arü riri lomibo chingnü arübo bemukhungde tüsho arü hode trükshih ahihdo mük ki I amüsühkhitkhi huhchoki labah.

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,