MUNGSHIKHÜN 107:14 - AMÜSÜH HÜM CL Bible (BSI)

¹⁴ Apinü arü amiting tüsho ashe alamme chingnü bekhit, tüsho arü wuhrünliubo adütre kamde yihthünak.

MUNGSHIKHÜN 107:14 Iomraidhean Croise

JOB HU H T ANYU 15:22

Api amiting chingnü arholopü akim müla, tüsho api nukshang thsungkheak akhujunga lah.

JOB HU H T ANYU 15:30

Api amiting chingnü mutsokhi; motrunü api dübitbo yüngkungbah, tüsho api mün sheaknü api yünde atsobah.

JOB HU H T ANYU 19:8

Apinü I limro rhünü khiungdokhi hode I muhokhuk, tüsho apinü I limro kheak amiting zojih.

JOB HU H T ANYU 3:5

Khüpdode tüsho mitingdakde kamshang; amo shode amitingnü ayin liudoshang.

JOB HU H T ANYU 33:30

arü mebo shingkung chingnü belode arüpü, junangde arünü rhangdung ayinatrüm ngübah.

JOB HU H T ANYU 36:8

Tüsho arübo wuhrünliu ching rhükdoa lasho tüsho thsünü-liu ching tholoa lasho,

MUNGSHIKHÜN 102:20

aramrü ashekhi anipü, ashepü akhua larü trünkhipü,

MUNGSHIKHÜN 107:10

Khürü aliudokhi tüsho amiting ching lakheah, aramrübo wuhrünliubo ching thsünü,

MUNGSHIKHÜN 116:16

O Atungpuh , tsükjide I nü yamlarü ah; I a nü yamlarü tsührü nü yamlarü ah; nünü I rhükkhibo trünjih.

MUNGSHIKHÜN 146:7

shepünü junoa larü thsungkheak thiyuro rhimocho, shepünü akhümrü kilim tsühyungbe jihcho. Atungpuhnü aramrübo zuzu jihchoh.

MUNGSHIKHÜN 68:6

Thrünpuhnü bahyuka larü ki alashihpü thüyam jihchoh; apinü aramrübo asühpü zuzu ching bekhitchoh; tüshe azhihrübo a akung lo ching lachoh.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 49:9

aramrübo ki thachoh, “Akhiukang,” amiting ching larü ki, “ Nüsa huhang.” Arübo limro mungyean yimtsühbah, achang arakrak alala arü yimtsühpung labah;

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

LUKNÜ ATHRÜTKHI THIYUSHEAK-ATSÜ HUHTANYU 13:16

Dale tüsho ha Abraham tsührübe, shepü arimrinü kam thürükheak tizheah rhüka zokheanü Amuni zuzu mükamshihbea de?”

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

YUNIRÜBO RHIMO 5:25

Judüki khülang arübah arü ki tha, “Kheahang, nüsanü rihyam ching yukrübo thsü arüngyam ching zhipbah mihtsürübo ki thsangyuchoh!”

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.