MUNGSHIKHÜN 106:6 - AMÜSÜH HÜM CL Bible (BSI)

⁶ Isanü isa jipürü lung neak yihbeakdo, isanü amülim yihbeakdo, isanü mihbukmuyukde rhimodo.

MUNGSHIKHÜN 106:6 Iomraidhean Croise

1 KIULONG THSÜRÜ 8:47

judüalalashe arü ramde ayükhi lomi ching arünü lümrhangde kamsho, tüsho mulong müthribah arü ramrü lomi ching nü ki zhoshede thasho, ‘Isanü neak yihbeakdo, tüsho amülim rhimodo; isanü mihbukmuyuk rhimodo’;

EZRA 9:10

“Tüshe O isa Thrünpuh, jurü alala dünjishu kheakü isanü tümü thakhukba? Tümüde isanü nü yakzan bahyukdo,

NEHEMIA 1:7

Isanü nü azhihde khide mütsüde rhimodo tüsho nünü nü yamlarü Mosa hode ajihkhi yukhüm, yuzüng tüsho yakzan yande mürhimo.

NEHEMIA 9:16

Tüshe isa jipürübonü nihnihde la tüsho nü yukhüm mani.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

JEREMIA 14:20

O Atungpuh , isanü isa yo mihbukmuyuk, isa jipürü mülimkhibo thakhitchoh, tümüde isanü nü azhihde neak yihbeakdo.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

LEVI 26:40

Tüshe nüsanü nihbuh neak tüsho jipürü neak alokhisho, küpünü I kheak thiyuro mülashihkhea, tüsho I azhihkhea,

WÜHKHE 32:14

Tüsho kheahang! Nüsanü nüsa buhrübo müthride, lün aso aneak mihtsürübonü Israelrü kheak Atungpuh buk alü akhiukshihpü lah.

MATHI 23:32

Dale nüsa jipürünü atankihkhi atsamabahang.