MUNGSHIKHÜN 106:45 - AMÜSÜH HÜM CL Bible (BSI)

⁴⁵ tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 106:45 Iomraidhean Croise

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

MUNGSHIKHÜN 105:8

Apinü tangzüng, lün chithürübo thsungkheak thiyukhüm jihkhi ju apinü lümkhitdo,

MUNGSHIKHÜN 135:14

Tümüde Atungpuhnü api mihtsürü mahkhapbah, tüsho apinü api yamlarübo kheak muzhobah.

MUNGSHIKHÜN 136:23

Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 69:16

I ki anijang, O Atungpuh , tümüde nü muzhodakkhi ju tsülah; nü amüthsüm todakkhi yande I kilim rholoang.

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

JEREMIA 18:8

tüshe inü athakhi trükshihnü amütsü chingnü rholosho, inü thsümütsü handarüpü lakhi chingnü I lümkhi müthribah.

TÜZHOKHI 3:32

Apinü mulong rozhak jihjih she anihbuh amuzho düküngkhi yande apinü mihmuzho labah;

EZEKIEL 16:60

Tütüshe inü nü athunu nimungbo ching nü ki tangzüngkhi lümkhitbah, tüsho inü akheam müla tangzüng nü kheak zobah.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

LEVI 26:45

Tüshe arü ki inü arü jipürü kheak tangzüngkhi lümkhitbah, arübo inü trükshih miki Ijip chingnü I arü Thrünpuh thsüpü bekhit: I Atungpuh ah.

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

AMOS 7:6

Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.