MUNGSHIKHÜN 106:3 - AMÜSÜH HÜM CL Bible (BSI)

³ Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 106:3 Iomraidhean Croise

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 119:112

Inü lünnü akheam khiungde nü yakzan thsükhi rhimopü I mulong rholodo.

MUNGSHIKHÜN 119:20

Kim alala ching nü yakzan mürheangkhinü I me thsünülah.

MUNGSHIKHÜN 119:44

Inü kamruhroro nü yakzan anibah, lünnü lün thsungkheak.

MUNGSHIKHÜN 15:2

Shepü lungkide tsahcho, tüsho thiyuro-lungki rhimocho, tüsho api mulong chingnü thiyuro asukcho;

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

MARK 3:35

Tümütüsho shepünü Thrünpuh lümkhi rhimochonü I khiung, I chi tüsho I be ah.”

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

LUKNÜ ATHRÜTKHI THIYUSHEAK-ATSÜ HUHTANYU 11:42

“Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

JOHAN 13:17

Nüsanü harü mükheahde rhimosho nüsa asühpü.

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

YUZÜNGTHALO 11:1

“Jumonü nünü Atungpuh nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.

YUZÜNGTHALO 5:19

“Nünü dahüh.

JAKOB 1:25

Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.