MUNGSHIKHÜN 106:19 - AMÜSÜH HÜM CL Bible (BSI)

¹⁹ Arünü Horeb ching moshi nunu khülang thsü tüsho sangthsü kingaün.

MUNGSHIKHÜN 106:19 Iomraidhean Croise

NEHEMIA 9:18

Arünü sangthsü moshi nunu pang yande thsü tüsho ju thrünpuhnü arü Ijip chingnü bekhit de tha! Arünü küdükhüh mükhemükimde, Atungpuh !

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 32:35

Jumonü Atungpuhnü mihtsürübo kheak arüm khülang arüshih, tümütüsho arünü Aron athsunga suna moshipung-nunu thsüshih.

YUNIRÜBO RHIMO 7:41

Arünü jurü nimungbo ching moshinunu khülang thsü, tüsho sangthsü kilim laksah-a kingaün jihde arü khahnü athsükhi ching asühachih.

1 KORINT 10:7

Arü khürü nangde sangthsü kingaünrü düthsü; ha thrüta lah, “Mihtsürübonü binbah tsühyung tüsho atsünpü wusu.”

YUZÜNGTHALO 9:19

Tümüde Atungpuhnü nüsa dükheakshihpü nüsa azhihde bukakhiukkhi tüsho khide masühkhi inü trede alakheah. Tüshe ju kim ching she Atungpuhnü I ki anido.

YUZÜNGTHALO 9:21

Judüki inü nüsanü athsükhi amünean kukruk sangthsü lubah mo ching tak tüsho adütre tüsho asungthulung nangde mükamyi khiungde kingnak; tüsho inü asungthulung ju müzüng chingnü bukde akikhi yung ching bah.

YUZÜNGTHALO 9:8

Horeb ching she nüsanü Atungpuh bukakhiukshih, tüsho Atungpuhnü nüsa kheak khide bukakhiuk, junangde apinü nüsa dükheakshihpü thsüde alakheah.