MUNGSHIKHÜN 105:1 - AMÜSÜH HÜM CL Bible (BSI)

¹ O, Atungpuh ki makshe jihang! Api mung jiang; api rhimobo mihtsürü bolung mükheahshang.

MUNGSHIKHÜN 105:1 Iomraidhean Croise

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

1 KIUTHSÜYUKHEAN 25:3

Jeduthun tsührü 6: Gedalia, Zeri, Jeshaia, Shimei, Hashabia, tüsho Mattithia, arü abuh Jeduthunnü khuhlangahuhkhi khüp la, arünü bingkhung shuhbah müchitde Atungpuh kilim makshe tüsho mungshi jih.

1 KIUTHSÜYUKHEAN 29:13

Tüsho kheakü, isa Thrünpuh, isanü nü ki makshe jihchoh tüsho nü müretahkhi mung shichoh.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 89:1

Inü lünnü Atungpuh mihmüthsümbo khün thsübah; nü thiyuro lakhi I münnü lünbo alala ki mükheahshihbah.

MUNGSHIKHÜN 96:3

Trükshihbo lung api müretahkhi, mihtsürü alala bolung api amüyinsahbebo khipkhitang.

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 51:10

Keto ato asükbo ngahshihkhi nü yung de; rhokhita larü hopü thsüde shenü keto asük limro thrünkhea?

DANIEL 3:29

Jumonü trükshih khürü mihtsürü yungsho thiyutha shepünü Shadrak, Meshak tüsho Abednego Thrünpuh azhihde tümükhüh thabanü adütre kamde akhapbah tüsho arü yambo sünit-bahpung kamshihbah de inü thiyuzüng khülang thsüchoh, tümüde püpü thrünpuh shenü she hanangde mükhümkhitkhuk.”

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

WÜHKHE 23:23

Jakob azhihde rük huhpü müla, Israel azhihde müchitpü müla. Kheakü Jakob tüsho Israel dünkheak thabah, ‘Kheahang Thrünpuhnü tümü rhimoa la?’

YUNIRÜBO RHIMO 9:14

tüsho ju ching nü mung jirü alala rhükpü amükeam putungrübo kilimnü api thiyukhüm-sühmüh lah.”

ROMRÜ KILIM PAULNÜ ATHRÜTKHI KIHÜM HUHTANYU 10:13

Tümütüsho, “Atungpuh mung jirü aban akhümkhitbah.”

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim: