MUNGSHIKHÜN 104:15 - AMÜSÜH HÜM CL Bible (BSI)

¹⁵ tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

MUNGSHIKHÜN 104:15 Iomraidhean Croise

THRÜNTAN 18:5

Tüsho kheakü nü I yam ching arüa lah, inü nü kilim yikhap khürü lude aranü, junangde nü mulong kinglobah. Jushu nü limro ching yüang.” Tüsho arünü tha, “Nünü athakhi nangde rhimoang.”

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

MUNGSHIKHÜN 105:16

Judüalalashe apinü lomi ching khümzung arüshih; tüsho arü tsühyungbe alala thsümünimjih.

MUNGSHIKHÜN 23:5

Nünü I riri miki dükhüm khülang thsakhamchoh, nünü I ku kheak müdangke muju; I pung mikhiukde lah.

MUNGSHIKHÜN 92:10

Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

MÜCHITMUDU 31:6

Phapke ju adükheakpü larü tüsho yukhu ju thsünüde alarü thsungkheak ah.

MÜCHITMUDU 31:7

Arünü yungshang tüsho arü mükheakmürak tüsho masühkhi mihabahshang.

T H S AN GYU T H S AN GR ARÜ 10:19

Aniojikhibo ju keangrümüne thsungkheak ah; yukhunü rhangdung asühshihchoh, tüsho nü yihnüpü lüpdükhi ngüchoh.

T H S AN GYU T H S AN GR ARÜ 8:1

Shepü lümlung larü mihtsürü nangde la? Tüsho tümükhüh thanakkhi shepünü mükheahla? Lümlungnü khürü miro yinshihchoh, tüsho miro mitingkhi müthrishihchoh.

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

ISAIA 3:1

Tümüde kheakü Wuto Atungpuhnü arü tsühyungbe ngüpung yikhap tüsho ke alala Jirusalem tüsho Juda chingnü hande tsochoh;

ISAIA 55:10

Tümüde tsüng tüsho phürüm thüning chingnü akichoh, tüsho alo müpangyi khiungde ju ching müyükihlo, bemusushihde tüsho mukhuhshihde, müjih-hiurü kilim müjih jihde tüsho atsührü kilim yikhap jihde,

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

EZEKIEL 14:13

Mihtsürü tsührü, lominü thiyuro mülade I azhihde neak yihbeaksho tüsho ju azhihde tsühyungpü mülashihpü I khah chungkihsho tüsho khümzung yüshihsho tüsho mihtsürübo le shiwühbo laksahsho,

EZEKIEL 4:16

Judüki apinü I ki tha: “Mihtsürü tsührü, Jirusalem ching tsühyungpü ngükhi inü tukloshihbah. Arünü adünarade tüsho trede yikhap tsühbah tüsho ke yungbah.

EZEKIEL 5:16

Küyimki inü nü kheak ashebe tüsho khümzung hühzobonü akipbanü, inü nü thsümünimpü kipbah. Inü nü kheak khümzung alü alü handarübah tüsho nü tsühyungpü ngüpung yihdojihbah.

LEVI 26:26

Küyimki inü nüsa tsühyungpü zhimzhakshihbanü, aliberü thürünü yinchi kuk khülang ching yikhap dambah, tüsho arünü adünloa nüsa kipbah; ju nüsanü atsühbah, tüshe bukmüthsü.

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

MARK 14:23

Jushu apinü pung lu, tüsho küyimki apinü makshe jihbah arü kilim jihkheanü arü alalanü ju chingnü yung.

LUKNÜ ATHRÜTKHI THIYUSHEAK-ATSÜ HUHTANYU 7:46

Nünü I ku kheak müdangke mümujujih, tüshe alibenü rhümthüneabenü I jing mujujih.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

YUZÜNGTHALO 28:40

Nüsa lomi alala ching oliv sang mukhuhbah, tüshe nüsanü nihbuh kheak oliv müdangkenü mumuju; tümüde nüsa yo oliv keamkhiabahbah.

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

MAHKHAPRÜ 19:5

Aphüyi nipü arünü mükikde asürü tüsho atsopü thsakham, tüshe alibe abuhnü atsühmeak ki tha, “ Tümükhüh tsühbah müsüalung; jushu nüsa yüang.”

MAHKHAPRÜ 9:13

Tüshe kurungasoliunü arü ki tha, ‘ Thrünpuhbo tüsho mihtsürübo asühshihkhi I yukhu bahbah inü sangdungbo kurungkheak yakzan shuhpü yüba shi?’

MAHKHAPRÜ 9:9

Tüshe oliv sangdungnü arü ki tha, ‘Inü thrünpuhbo tüsho mihtsürübo wüntreshihkhi amüdang bahbah sangdungbo kurungkheak yakzan shuhpü yüba shi?’