MUNGSHIKHÜN 103:20 - AMÜSÜH HÜM CL Bible (BSI)

²⁰ Nüsa api yunirübo, sherü sühmüh hodakla, sherünü api yukhüm anicho, sherünü apinü athakhi anicho, Atungpuh shiang.

MUNGSHIKHÜN 103:20 Iomraidhean Croise

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

MUNGSHIKHÜN 148:2

Api shiang, api yunirü alalanü; api shiang, api putungrü alala!

MUNGSHIKHÜN 148:5

Arünü Atungpuh mung shishang, tümüde apinü thiyukhüm jih tüsho arübo thrün.

MUNGSHIKHÜN 29:1

Atungpuh shiang, O nüsa yinmirübo, Atungpuh müretahkhi tüsho wu shiang.

MUNGSHIKHÜN 78:25

Mihtsürübonü yunirübo jim tsüh; Thrünpuhnü arü künkhi alala jih.

ISAIA 6:2

Api kumung seraphbo lakheah; arü abande ghidükeang thuruk kih-a lakheah: mahnenü arü miro lüpdo tüsho mahnenü arü jing lüpdo, tüsho mahnenü phinde alakheah.

DANIEL 11:1

Tüsho I, Midiarü Darius kam akhuhbe ching api rungpü tüsho reangzahshihpü zhip.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

MATHI 26:53

Kheakü I kilim yunirü boto thürükheak mahne kheaknü she alü arüshihpü inü I Buh ki mütamkhüntamnükhuk de nüsanü lümcho de?

MATHI 6:10

Nü kiulongthsü arang, yinmi ching künangde la, alomi ching junangde nü lümkhi thsang.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?