MUNGSHIKHÜN 103:19 - AMÜSÜH HÜM CL Bible (BSI)

¹⁹ Atungpuhnü api kiulongthsü-binkiu yinmi ching thsüa zolah, tüsho api kiulongthsünü alala kurungkheak yakzan shuhchoh.

MUNGSHIKHÜN 103:19 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

1 KIUTHSÜYUKHEAN 29:12

Lakhit tüsho wüntrepü nü kilimnü arüchoh, tüsho nünü alala kurungkheak yakzan shuhchoh. Nü khah ching wu-sühmüh tüsho wuto lah; tüsho alala kilim toshihpü tüsho sühmüh jihpü nü khah ching lah.

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

MUNGSHIKHÜN 2:4

Yinmi ching binbuhnü münechoh; Atungpuhnü arü kheah-a münejihbah.

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 9:7

Atungpuhnü lünnü kiulongthsüchoh; apinü mahkhappü api kiulongthsü-binkiu thsakhamlah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

IBRI 8:1

Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.