MUNGSHIKHÜN 103:12 - AMÜSÜH HÜM CL Bible (BSI)

¹² Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 103:12 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

MUNGSHIKHÜN 113:3

Ani akhiuknü ayüzah khiungde Atungpuh mung shipü lah.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 45:6

junangde I hobah she müla de aniakhiuklimnü aniyüzahlim khiungde mihbüm abannü amükheahbah; I Atungpuh tüsho püpü müla.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 50:20

Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

EZEKIEL 18:22

Apinü alakmihkhi tümü she api azhihde mülümkhit. Tümütüsho apinü thiyuro-lungki rhimokhinü api alabah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MIKA 7:19

Nünü isa kheak mihmuzholobah; nünü isa mülimkhibo müphü khüp thrümbah. Nünü isa neakbo alala keto asük ching bahjihbah.

IBRI 10:2

Jude yungkhülaa, arünü kingaünpü mutuklobea de? Kingaünrü ju khülangkinü müsüh-a lakhülaa, arünü kheaküa neak lah de mülüm.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.