MUNGSHIKHÜN 102:8 - AMÜSÜH HÜM CL Bible (BSI)

⁸ I riribonü nimung amuyung I mükhemükimchoh, tüsho sherünü I münejihchonü I azhihde thiyuchihchimchoh.

MUNGSHIKHÜN 102:8 Iomraidhean Croise

MUNGSHIKHÜN 2:1

Tümüde trükshihbonü bukakhiukcho, tüsho mihtsürübonü akeangkeang rük asahcho?

MUNGSHIKHÜN 41:5

I riribonü I yuripü lümde thachoh, “Api küyimki sheba, tüsho amung dükheakba?”

MUNGSHIKHÜN 55:3

I ririnü alankhi dünkheaknü, mihbukmuyuknü junokhinü; tümüde arünü I kheak küpkhuk hande akih, tüsho bukakhiukkhi ching arünü I thraneanchoh.

MUNGSHIKHÜN 69:20

Mükhemükimnü I mulong thsümünimdo, junangde I mulong dükheakkhi ching lah. Amuzho tüsho mulong shukheamrü inü kheah tüshe inü she müngü.

MUNGSHIKHÜN 77:5

Inü awün nimungbo, jipü kimbo kam lümakheahdo.

MUNGSHIKHÜN 89:51

Nü riribonü nünü mujude-mokhitkhi kiulongthsüpuh mükhemükimchoh, O Atungpuh ; arünü api yüpung alala ching mükhemükimdo.

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

JEREMIA 29:22

Tüsho arü dünkheak Babilon ching Juda ramtsorü alalanü ha muthrumüneanbah: “Atungpuhnü nü Zedekia tüsho Ahab nangde kamshang, sherü Babilon kiulongthsüpuhnü mo ching takkhea,”

LUKNÜ ATHRÜTKHI THIYUSHEAK-ATSÜ HUHTANYU 6:11

Tüshe arübo mulong zhipzhipbe kam tüsho arünü Jisu kheak tümü rhimobeanü khülangnü khülang ki atsangachih.

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.

ROMRÜ KILIM PAULNÜ ATHRÜTKHI KIHÜM HUHTANYU 15:3

Tümütüsho Khristanü nihbuh masühshih; tüshe amüsühyu ching thrütkhi nangde, “Nü mükhemükimkhibo I kheak keam.”