MUNGSHIKHÜN 102:26 - AMÜSÜH HÜM CL Bible (BSI)

²⁶ Arübo adükheakbah, tüshe nü a rünkhiungbah; arü alala khimmih nangde amürhütbah; khimmih nangde nünü arü müthribah, tüsho arübo amüthribah.

MUNGSHIKHÜN 102:26 Iomraidhean Croise

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

JOB HU H T ANYU 38:4

Inü alomi khimtanchoki nü küching lakhea? Nü anikhitkhi lasho I ki thaang.

MUNGSHIKHÜN 102:12

Tüshe O Atungpuh , nü lünnü rünkhiungde alabah, tüsho lünbo alala ching nü mung lümkhitkhi labah.

ABEKHIT 3:14

Thrünpuhnü Mosa ki tha, “I JU I AH . Nünü arü ki hade thaang, ‘I AH de athabuhnü I nüsa kilim arüshihkheah.’ ”

ISAIA 34:4

Thüning kheak chiningbo alala niukrubah, tüsho thüningbo pheak nangde qiuabahbah. Chiningbo alala kurungaso yü yungsho khubaso aso nangde akeamkhibah.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

ISAIA 65:17

Tümüde inü yinmibo aso tüsho alomi aso thrünpü thsüchoh; akhuhlim dünjikhibo mülümkhit yungsho lüm ching marü.

ISAIA 66:22

Tümüde inü athsüpü lakhi yinmibo aso tüsho alomi aso I miki aninga labah, Atungpuhnü thachoh; junangde nü tsühsoniusobo tüsho nüsa mung aninga labah.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 21:33

Thüning tüsho alomi hode atsobah, tüshe I yubo küyimkishe hode mutso.

ROMRÜ KILIM PAULNÜ ATHRÜTKHI KIHÜM HUHTANYU 8:20

tümüde thrüna lakhi ju aküdahnü yung, tüshe Thrünpuh lümkhinü abahyukkhi kamshih;

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 21:1

Judüki inü yinmi aso tüsho alomi aso ngü; tümüde akhuhbe thüning tüsho akhuhbe alomi hode tsoabah, tüsho keto müladebah.