MUNGSHIKHÜN 102:2 - AMÜSÜH HÜM CL Bible (BSI)

² I küpkhuk nimung nü miro I kheaknü düjik; I kilim nü nükhün muphoang; inü nü ji nimung I ki niokheamde alojang.

MUNGSHIKHÜN 102:2 Iomraidhean Croise

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 7:21

Tümüde inü alakmihkhi neak mübahjih tüsho I amülim lude mutso le? Tümütüsho kheakü I alo ching yapbah; nünü I yimbah, tüshe I müngü. Bildad.

MUNGSHIKHÜN 104:29

Küyimki nü miro jikbanü, arü küpkhukchoh; nünü arü sheak lude tsochoh, arü shechoh tüsho arü yo asungthulung lim rholochoh.

MUNGSHIKHÜN 13:1

O Atungpuh , külokhüh nünü lünnü I mihabahba? Külokhüh I kheaknü nü miro jikba?

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MUNGSHIKHÜN 17:1

O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MUNGSHIKHÜN 22:19

Tüshe O Atungpuh , nü I kheaknü limshude düla; O I sühmüh, I rungpü nahdang!

MUNGSHIKHÜN 27:9

I kheaknü nü miro düjik, nü yamlarü bukakhiukde dütsoshih; nü I rungrü lakheah. I dübahjih yungsho dübahyuk O I akhümkhit Thrünpuh!

MUNGSHIKHÜN 31:2

I kilim nü nükhün anguhang, I khümkhitpü nahde arang; I tsoyukpü lungto, I khümkhitpü amüküp chipi thsang.

MUNGSHIKHÜN 40:13

I khümkhitang, Atungpuh ! Kheakü I rungang!

MUNGSHIKHÜN 69:17

Tüsho nü yamlarü kheaknü nü miro düjik, tümüde I küpkhuk ching lah; niokheamde I ki anijang.

MUNGSHIKHÜN 70:1

O Thrünpuh, I khümkhitpü niokheamang; O Atungpuh , I rungpü nahde arang!

MUNGSHIKHÜN 71:2

Nü thiyuro-lungki ching I bekhitang, tüsho I tsokhitshang; I kilim nü nükhün muphoang tüsho I khümkhitang.

ABEKHIT 2:23

Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 65:24

Arünü müjiyide inü alobah, arü asukachihde lachoki inü asobah.

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.