MUNGSHIKHÜN 102:17 - AMÜSÜH HÜM CL Bible (BSI)

¹⁷ Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 102:17 Iomraidhean Croise

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

NEHEMIA 2:20

Inü alo, “Yinmi Thrünpuhnü isa akuk ngüshihbah. Isa api tankihrünü thüyam thsüpü tankihbah. Tüshe nüsa Jirusalem yamrüplurüp lupü alim müla tüsho ju ching nüsa shihcham müla.”

MUNGSHIKHÜN 147:2

Atungpuhnü Jirusalem laloshihchoh; apinü Israel ramtsorü bemukhungchoh.

MUNGSHIKHÜN 22:24

Apinü zhochihrü mülümmuwuh yungsho arü thsünükhi amümürang müthsü; apinü arü kheaknü rholode mutso, tüshe arünü arung thsungkheak zhichoki alojihchoh.

MUNGSHIKHÜN 69:23

Arünü müngüpü thsüde arü mükbo tukshang; tüsho arü chim mutuklode keahkhishang.

MUNGSHIKHÜN 72:12

Tümüde apinü müthsümülarünü azhichoki, zhochihrü tüsho arungrü mülarü bekhitbah.

MUNGSHIKHÜN 9:18

Tümüde müthsümülarü kamruhroro mihamübah; zhochihrü mükkin thsükhi lünnü müdükheak.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

JEREMIA 31:38

Atungpuh thsungkheak Hananel Aheangsadam kheaknü Amühit Chipiripit khiungde kiuto thsülopü nimung tsükjide arado, Atungpuhnü thachoh.

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.