MUNGSHIKHÜN 102:14 - AMÜSÜH HÜM CL Bible (BSI)

¹⁴ Tümüde nü yamlarübonü anihbe lungbo kheak asühchoh, tüsho anihbe asungthulung ki amuzho huhchoh.

MUNGSHIKHÜN 102:14 Iomraidhean Croise

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

NEHEMIA 2:3

tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

NEHEMIA 4:10

Juda mihtsürübonü tha: “Rhimorübo sühmüh yiuhyiuhabahchoh, lungjinim ahihdo wua bahpü lah; isanü chipi müthsükhuk.”

NEHEMIA 4:2

Amüyamrü tüsho Samariarü bonungrü mikinü apinü tha, “Harü süküp mülarü Jihudarübo tümü thsücho? Arünü kiuto thsülokhukba de? Arünü rhangdung shuhmülanga jihba de? Arünü nimungkhühnü rhimo banba de? Atakkheamkhi lungbonü arünü thüyam thsülokhukba shi?”

NEHEMIA 4:6

Junangde isanü chipi ju achanglim aphulungachih khiungde nahde zünkih, tümüde mihtsürübonü mulong jihde rhimo.

MUNGSHIKHÜN 119:126

Ha nünü arhimopü kim ah, O Atungpuh , tümüde arünü nü yakzan akeangkeang khejihchoh.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

RUTH 1:6

Judüki Atungpuhnü amihtsürübo kilim latsühlayung müngühjih-a lah de Naominü so; jumonü atsühmeakbe büne bebah Moab lomi chingnü rholodarüpü thsakham.