MUNGSHIKHÜN 101:2 - AMÜSÜH HÜM CL Bible (BSI)

² Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 101:2 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

1 KIULONG THSÜRÜ 11:4

Tümüde küyimki ashinbuhrü kamkhea, api niuberübonü api mulong arü thrünpuhbo kilim bephülap; tüsho abuh David mulong nangde api mulong ju Atungpuh api Thrünpuh kilim thiyuro mülakheah.

1 KIULONG THSÜRÜ 9:4

Nü thsungkheaknü, mürangkhüh nünü nü buh Davidnü thiyuro mulong tüsho alungki ching tsahkhi nangde, inü nü kilim thiyukhüm jihkhi alala ayannü rhimode tüsho I yakzanbo tüsho yuzüngbo anide I miki tsahsho,

2 KIUTHSÜYUKHEAN 15:17

Tüshe achang dangpungbo Israel chingnü müyihkhit. Judüalalashe Asanü api nimungbo alala ching Atungpuh ki thiyuro lakheah.

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

MUNGSHIKHÜN 101:6

I mükjibo ju lomi ching thiyuro larü kheak labah, junangde arü I lung labah; shepü athülünkhi limro tsahchonü apinü I tankihbah.

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 26:11

Tüshe I a, I thiyuro-lalim ching tsahchoh; I rhokhitang, tüsho I ki müthsümang.

MUNGSHIKHÜN 40:17

Tüshe I a zhochihrü tüsho mülamüthsürü ah; tütüshe Atungpuhnü I dünkheak lümshang. Nü I rungrü tüsho I bekhitrü;dashu, O I Thrünpuh.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ISAIA 38:3

O Atungpuh , inü nü ki mushuchoh, künangde I mulong athrünkhinü thiyuro lade nü miki tsahkhea, tüsho nü miki atsü rhimokhi kheakü lümkhitang. Tüsho Hezekianü düsüknimde trip.

YUZÜNGTHALO 6:7

nüsanü jurü nüsa tsührübo ki düshihde athsangyubah, tüsho nüsa thüyam ching binchoki, limro tsahchoki, ayapchoki, tüsho awusuchoki thabah.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

1 SAMUEL 22:14

Judüki Ahimeleknü kiulongthsüpuh ki alo, “Nü yamlarü bolung shepü David nangde thiyuro la? Api kiulongthsüpuh tsühmeakrü ah tüsho nü aheangpü ching athrilah, tüsho nü yam ching alalanü wüntre jihchoh.