MUNGSHIKHÜN 100:4 - AMÜSÜH HÜM CL Bible (BSI)

⁴ Makshe jihde api ripit ching, tüsho mungshide api khikzhakpung ching yüzahang. Api ki makshe jihang tüsho api mung shiang.

MUNGSHIKHÜN 100:4 Iomraidhean Croise

1 KIUTHSÜYUKHEAN 29:13

Tüsho kheakü, isa Thrünpuh, isanü nü ki makshe jihchoh tüsho nü müretahkhi mung shichoh.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

MUNGSHIKHÜN 122:2

Isa jing nü chipiripit ching zhiplah, O Jirusalem!

MUNGSHIKHÜN 122:4

Ha Israel kilim jihkhi yakzan thsükhi yande Atungpuh mung shipü Atungpuh trükbo wutupung ah.

MUNGSHIKHÜN 65:1

O Thrünpuh, isanü Zion ching nü mungshi jihpü lah; tüsho nü ki thiyuchihchim thsübah.

MUNGSHIKHÜN 66:13

Inü nü yam ching taka kingaünkhi lude arübah; inü thiyuchihchimkhi nü kilim jihbah.

MUNGSHIKHÜN 95:2

Isanü makshe jihde api miki aranü; isanü mungshikhünbo bede api ki asühachihde ahoanü.

MUNGSHIKHÜN 96:2

Atungpuh ki khün thsang, api mung shiang; api akhümkhit thiyusheak atsü nimung aban zhiyukang.

MUNGSHIKHÜN 96:8

Atungpuh müretahkhi mung shiang; kingaün khülang lubah arang tüsho api arüngyam ching azahang.

MUNGSHIKHÜN 99:3

Arünü nü mung ato tüsho atrebe mung shishang– api amüsüh ah.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.