MUNGSHIKHÜN 100:3 - AMÜSÜH HÜM CL Bible (BSI)

³ Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 100:3 Iomraidhean Croise

2 KIULONG THSÜRÜ 19:19

O Atungpuh isa Thrünpuh, jumonü kheakü api khah chingnü isa khümkhitang de inü nü ki tamkhüntamnüchoh, junangde O Atungpuh , alomi kiulongthsübo alalanü nü lang Thrünpuh de amükheahbah.”

1 KIUTHSÜYUKHEAN 16:14

Api Atungpuh isa Thrünpuh; api mahkhapkhibo alomi alala ching lah.

JOB HU H T ANYU 10:3

Ajunopü ju nü ki atsü a de, nü khah rhimo mükhemükimpü tüsho mihbukmuyuk lümkhi kheak asühba de?

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 78:52

Tüshe apinü anihbuh mihtsürü namfimihnunu nangde mikhuh yüshih, tüsho mihnu boto nangde sunglo ching be;

MUNGSHIKHÜN 79:13

Jumonü, isa nü mihtsürü tüsho nü yo rimlopung namfimihnubonü, lünnü nü ki makshe jihbah; isanü lünbo alala ki nü shijihkhi huhbah.

MUNGSHIKHÜN 95:3

Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

EZEKIEL 34:11

Tümüde Atungpuh Thrünpuhnü ha thachoh: Inü I yo namfimihnubo yimbah, tüsho arübo ajukhitbah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 4:19

Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.