MUNGSHIKHÜN 100:1 - AMÜSÜH HÜM CL Bible (BSI)

¹ Nüsa lomibo alala, Atungpuh ki asühde zhiang!

MUNGSHIKHÜN 100:1 Iomraidhean Croise

MUNGSHIKHÜN 145:1

Inü nü shuhkihbah, I Thrünpuh, O kiulongthsüpuh; tüsho inü lünnü lün nü mung shibah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

MUNGSHIKHÜN 47:1

Mihtsürü alala, nüsa khah damang; asühde Atungpuh ki zhiang.

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

MUNGSHIKHÜN 66:1

Alomi alalanü asühachihde Atungpuh ki zhiang;

MUNGSHIKHÜN 66:4

Alomi alalanü nü kingaünbah tüsho nü müshi khünbo thsübah; arünü nü mung shikhi khün thsübah.”

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 68:32

Nüsa alomi kiulongthsübo, Thrünpuh ki khün thsang; O, Atungpuh ki mungshikhünbo thsang,

MUNGSHIKHÜN 98:4

Alomi alalanü asühde Atungpuh ki ahoang; khün thsüde zhiang, asühachihang, tüsho müshi khünbo thsang.

ZEPHANIA 3:14

Achangnü khün thsang, O Zion mihtsürü, ahoang, O Israel! Asühachihang tüsho nü mulong alalanü asühang, O Jirusalem!

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

LUKNÜ ATHRÜTKHI THIYUSHEAK-ATSÜ HUHTANYU 19:37

Api Oliv Müzüng koyu thüninde alachoki, jingyanrü boto alalanü arünü wuto rhimo ngükhi dünkheak asühachihpü tankih tüsho düsheak achangnü Thrünpuh shijihde tha,

ROMRÜ KILIM PAULNÜ ATHRÜTKHI KIHÜM HUHTANYU 15:10

Kheaküshe tha, “Api mihtsürü lung asühachihang, O khiungkerü”;

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.