MUNGSHIKHÜN 10:7 - AMÜSÜH HÜM CL Bible (BSI)

⁷ Api mün ju athruaji tüsho mülapmüji le ajunonü milah; api mulo khüp küpkhuk tüsho mülimkhi lah.

MUNGSHIKHÜN 10:7 Iomraidhean Croise

JOB HU H T ANYU 15:35

Arünü küpkhuk mihlachoh tüsho amütsü-rhimo zübechoh; tüsho arü nuyamnü mulomülap thsakhamchoh. Job.

JOB HU H T ANYU 20:12

Mihbukmuyukkhi api mün ching niungniung she, apinü ju amulo khüp ramram she,

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 140:3

Arü mulo phuruto nangde zükhitchoh; arü münküpbo khüp ngümto müzüm lah.

MUNGSHIKHÜN 140:9

I mükamdoa larü kubo ju, arü münküp amütsünü arü lüpdoshang;

MUNGSHIKHÜN 144:11

Khiungkerü khah chingnü I khümkhitang tüsho I bekhitang, shepü münnü akeangkeang yubo asukcho, tüsho shepü khah tsülim ju arükchih khah tsülim la–

MUNGSHIKHÜN 144:8

shepü münnü akeangkeang yubo asukcho, tüsho shepü khah tsülim ju arükchih khah tsülim la.

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

MUNGSHIKHÜN 41:6

Tüsho küyimki apinü I kheahpü arübanü, apinü akeangkeang yubo asukchoh; api mulongnü amülimbo hanmukhungchoh; küyimki api wukhiukbanü ju thachoh.

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

MUNGSHIKHÜN 50:19

Nünü kamruhroro amütsü asukpü thsakhamlah; nünü küyimkishe akeangyu thapü mudukiuhlo.

MUNGSHIKHÜN 52:4

Nünü ayuribe yu alala muzholah, O nü mülapmüji mulo!

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MUNGSHIKHÜN 58:3

Mihbukmuyuknü nuyam chingnü tsophülapchoh, arünü arü zübekhi chingnü akeangyu thade amülim thsüchoh.

MUNGSHIKHÜN 59:12

Arü münküp tüsho arü yubo neak lah; arü kükheangkhi ching arü phuhshang, tümütüsho arünü athruchoh tüsho akeangyu thachoh,

MUNGSHIKHÜN 59:13

nü bukakhiukkhi ching arü muyuang; shahde arü muyuang, junangde Israel ching Thrünpuhnü yakzan shuhchoh, tüsho api yakzan alomi alala khiungde lah de mihbüm abannü amükheahbah.

MUNGSHIKHÜN 62:4

Nüsanü api achang chingnü abekhipü lang mulonglah; nüsanü akeangyu thapü ching reangkeamchoh. Nüsanü müngühmühi yubo asukchoh, tüshe nüsa mulong ching a api athruchoh.

MUNGSHIKHÜN 64:3

sherünü nukshang nangde arü mulo zücho, tüsho hühzobo nangde arü akhüh yubo amucho,

MUNGSHIKHÜN 7:14

Shepü amütsü-rhimonü mübünkeangde kamcho, tüsho küpkhuk lashihchonü akeangyu zübechoh.

MUNGSHIKHÜN 73:8

Arünü mührü kheah-a münejihde amütsü thachoh; arünü kükheangchoh tüsho püpürü junopü lümchoh.

MÜCHITMUDU 21:6

Akeangyu mulo hode angükhi lakhitbo ju nahde akheambe kesheak tüsho ashebe müthrim ah.

MÜCHITMUDU 30:8

I kheaknü arükchih tüsho akeangyu limshude kamshang; I alarü yungsho zhochihrü she dükamshih. I nimung aban yikhap lang jihang;

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

AMOS 8:4

Ha aniang, nüsa müthsümülarü jungrübo, tüsho lomi ching zhochihrü ki athsümünim hande arürübo,

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.