MUNGSHIKHÜN 10:4 - AMÜSÜH HÜM CL Bible (BSI)

⁴ Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 10:4 Iomraidhean Croise

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

JOB HU H T ANYU 22:17

Arünü Thrünpuh ki tha, “Isa zangrü zojang,” tüsho “Wutobuhnü isa ki tümü thsükhukpü?”

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 18:27

Tümüde azhihayih mihtsürü nünü bekhitchoh; tüshe mükji müzhingrü nünü thokheamchoh.

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 36:1

Neak yihbeakkhinü mihbukmuyuk ki api mulong ching sükde asukchoh; api mük ki Thrünpuh trekhi müla.

MUNGSHIKHÜN 53:1

Makharünü api mulong ching tha, “Thrünpuh müla.” Arübo thsümünima lah, tüsho athraneanbe amülimbo rhimodo; atsü rhimorü sheshe müla.

MUNGSHIKHÜN 73:11

Tüsho arünü thachoh, “ Küde thsah Thrünpuhnü mükheahcho? tüsho Khide Achangbuh kheak mükheahmudu la shi?”

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

MÜCHITMUDU 21:4

Mük-müzhingkhi, kükheangküyang mulong tüsho mihbukmuyuk ju neak ah.

MÜCHITMUDU 30:13

Mihtsürü khürü mükjibo khide müzhingde, khenoabahde kheahchoh.

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

MÜCHITMUDU 6:17

kükheangde akheahkhi, akeangyu thakhi mulo, amülim thiyih bukkhi khah,

T H S AN GYU T H S AN GR ARÜ 8:11

Tümütüsho amütsü-rhimo azhihde nahde müthsümüchimonü, mihtsürü mulong ju amütsü rhimopünü milah.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

MARK 7:21

Tümütüsho alunglim mihtsürü mulong chingnü amütsü lümkhi, yüliyüra, müzammüram, mihlaksah,

YUNIRÜBO RHIMO 8:22

Jumonü nü mihbukmuyukkhi müthriang, tüsho Atungpuh ki tamkhüntamnüang, khükia nü mulong ching ha lümkhi hode apinü nü neak bahjihbah.

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.