MUNGSHIKHÜN 10:2 - AMÜSÜH HÜM CL Bible (BSI)

² Mihbukmuyuknü api kükheangkhi ching zhochihrü thsümüchichoh; arünü asahkhi lümkhi ching arü phuhshang.

MUNGSHIKHÜN 10:2 Iomraidhean Croise

MUNGSHIKHÜN 109:16

tümütüsho apinü mihmuzho huhpü mülümkhit, tüshe zhochihrü tüsho müthsümüla mihtsürü thsümüchi, junangde apinü mulong thsümünimrü laksah.

MUNGSHIKHÜN 119:122

Nü yamlarü tsüpü thsungkheak mütsanjungang; akükheangrünü I düjunoshih.

MUNGSHIKHÜN 119:5

O, I limrobo ju nü yakzan thsükhibo yanpü lakhülaa!

MUNGSHIKHÜN 119:69

Kükheangküyang mihtsürübonü I dünkheak akeangyu thado, tüshe I mulong athrünkhinü inü nü yukhümbo anichoh.

MUNGSHIKHÜN 119:85

Akükheangrünü nü yakzan müyande I thsungkheak alokhünbo kiua lah.

MUNGSHIKHÜN 140:5

Akükheangrünü I thsungkheak müthrim tüsho liubo rama zolah; arünü limro yean keang phua zolah; arünü I thsungkheak müthrim zolah.

MUNGSHIKHÜN 31:18

Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MUNGSHIKHÜN 36:11

Akükheangrü jing I azhihde darüshih, yungsho mihbukmuyuk khahnü I yana dütsoshih.

MUNGSHIKHÜN 59:12

Arü münküp tüsho arü yubo neak lah; arü kükheangkhi ching arü phuhshang, tümütüsho arünü athruchoh tüsho akeangyu thachoh,

MUNGSHIKHÜN 7:16

Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ABEKHIT 9:17

Kheakü khiungde nünü I mihtsürübo azhihchoh tüsho arü müyüshih.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

ISAIA 14:13

Nünü nü mulong ching tha, Inü yinmi ching yükihbah; inü I kiulongthsü-binkiu ju Thrünpuh chiningbo kumung shuhkihbah; inü mukhungmüdan wung Zaphon mujuk kheak binbah;

ISAIA 14:16

“Sherünü nü ngübanü nü kheak müzhingkihbah, tüsho nü lümakheahbah: Alomi ajanshihbuh ha mihtsürü a de, shepünü kiulongthsübo niukshihkhea,

JEREMIA 43:2

Hoshaia tsührü Azaria le Karea tsührü Johanan tüsho püpürü bukmüke mihtsürübo alalanü Jeremia ki tha, “ Nünü akeangyu thachoh. Atungpuh isa Thrünpuhnü hade athashihpü nü müthiyi, ‘ Ijip ching lapü düyü’;