MUNGSHIKHÜN 10:16 - AMÜSÜH HÜM CL Bible (BSI)

¹⁶ Atungpuh ju lünnü lün kiulongthsürü; api lomi chingnü trükshihbo dükheakbah.

MUNGSHIKHÜN 10:16 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

MUNGSHIKHÜN 146:10

Atungpuh lünnü kiulongthsürü lah– O Zion, nü Thrünpuhnü lünbo alala ching kiulongthsübah. Atungpuh shiang!

MUNGSHIKHÜN 29:10

Atungpuh kiulongthsü-binkiu keking kumung kheak lah; apinü lünnü kiulongthsürü thsüde yakzan shuhchoh.

MUNGSHIKHÜN 78:55

Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

MUNGSHIKHÜN 9:15

Trükshihbo arünü akiukhi shingkung ching keamyuk; arü zheang ching arü phuhdo.

MUNGSHIKHÜN 9:5

Nünü trükshihbo thürüh, nünü mihbukmuyuk thsümünim; nünü arü mung lün thsungkheak nankhita bah.

MUNGSHIKHÜN 9:8

Apinü thiyuro-lungki ching alomiküp mahkhapbah; apinü thiyuronü mihtsürübo yakzan shuhbah.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

ABEKHIT 15:18

Atungpuhnü lünnü lün kiulongthsübah.”

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

TÜZHOKHI 5:19

O Atungpuh , tüshe nünü lünnü kiulongthsüchoh; nü kiulongthsü-binkiu lünnü lün lachoh.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

YUZÜNGTHALO 8:20

Nüsa müngüh Atungpuhnü trükshihbo dükheakshihkhi nangde, Atungpuh nüsa Thrünpuh düsheak manikhi dünkheaknü nüsa she adükheakbah.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.