MUNGSHIKHÜN 10:14 - AMÜSÜH HÜM CL Bible (BSI)

¹⁴ Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 10:14 Iomraidhean Croise

THRÜNTAN 21:17

Tüsho Thrünpuhnü azübuh tripkhi so. Judüki Thrünpuh yunirünü yinmi chingnü ji tüsho tha, “Hagar, nü tümü thsüa la? Dütre, tümüde azübuh kükheak lanü Thrünpuhnü api düsheak sodo.

THRÜNTAN 31:12

Tüsho apinü tha, ‘Nünü zünga kheahang, mihnubo kheak jukkihkhi namfimihnupungbo alala panghing, amütri tüsho aneakjik kihkhi lah; tümüde Labannü nü ki rhimokhi alala inü ngüdo.

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

2 KIULONG THSÜRÜ 9:26

‘Naboth thiyih tüsho api tsührü thiyih inü yini ngükhi thsungkheak, Atungpuhnü tha, inü thiyuchihchimchoh, inü ha lo kheak nü kilim jihlobah.’ Kheakü jumonü api shuhkhitang tüsho Atungpuh yu yande api alo kheak shuh-a bahang.”

2 KIUTHSÜYUKHEAN 24:22

Zekaria abuh Jehoiadanü api ki amuzho huhkhi, kiulongthsüpuh Joashnü mülümkhit, tüshe api tsührü laksah. Anihbuh shede alachoki, apinü tha, “Atungpuhnü ngüshang tüsho royimshang!”

2 KIUTHSÜYUKHEAN 6:23

nünü yinmi chingnü sojang, rhimoang tüsho nü yamlarübo mahkhapang, amülim larübo ki arü thülünkhinü thsümüchiang tüsho thiyuro larübo dükheang.

MUNGSHIKHÜN 146:9

Atungpuhnü jaksorübo kheak kheahchoh; apinü buhrü mülarü tüsho khimoberü shukheamjihchoh; tüshe apinü mihbukmuyuk limro thsümünimjihchoh.

MUNGSHIKHÜN 22:11

I kheaknü limshude düla, tümüde küpkhuk thüninde lah; tümüde I rungrü sheshe müla,

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

MUNGSHIKHÜN 35:22

O Atungpuh , nünü ha ngüdo; zhikde düla. O Atungpuh , I kheaknü limshude düla.

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

MUNGSHIKHÜN 68:6

Thrünpuhnü bahyuka larü ki alashihpü thüyam jihchoh; apinü aramrübo asühpü zuzu ching bekhitchoh; tüshe azhihrübo a akung lo ching lachoh.

ABEKHIT 2:25

Thrünpuhnü Israelrübo azhorü kuhi ching lakhi ngübah arü thsungkheak lümrhihjih.

ABEKHIT 22:22

Nüsanü khimoberü yungsho mürerü dükheahmüchih.

ABEKHIT 22:26

Nünü thiyuchihchimde nü yamhingrü khimmih lusho, ani müyüzahyide api kilim jihloang.

MÜCHITMUDU 15:25

Atungpuhnü akükheangrü yam thsümünimbah, tüshe apinü khimoberü aredung zojihbah.

MÜCHITMUDU 15:3

Atungpuh mükbonü dangpung aban ching amütsü tüsho atsü kheak kheahde lah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

JEREMIA 16:17

Tümüde I mükjibo arü limro alala kheak lah; arübo I mikinü müjik yungsho arü mülimkhi I mük kinü ramkhia müla.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

JEREMIA 49:11

Nüsa yo mürerübo zojang, inü arü rhangdung kümbah tüsho nüsa yo khimoberübo I kheak kinshang.

JEREMIA 51:56

tümüde athsümünimrü khülang Babilon azhihde arüdo; anihbe thirithsürübo luabahdo, arü sanglühbo zhaka lah; tümüde Atungpuh ju ashaklo Thrünpuh ah, apinü mide ajihlobah.

TÜZHOKHI 3:59

I ki amülim rhimokhi nünü ngüdo, O Atungpuh ; I dünkheak mahkhapang.

TÜZHOKHI 3:60

Arünü I azhihde mülapyukde royimkhi alala nünü ngüdo.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

JOEL 3:4

O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

YUZÜNGTHALO 10:18

apinü mürerü tüsho khimoberü thsungkheak thiyuro rhimochoh, tüsho tsotsahrü muzhode, arü kilim tsühyungpü tüsho khimmih jihchoh.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

1 PETER 4:19

Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.

1 PETER 5:7

Nüsa lümthsünübo alala api ki zojang, tümüde apinü nüsa kümchoh.

MAHKHAPRÜ 1:7

Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.