MUNGSHIKHÜN 10:1 - AMÜSÜH HÜM CL Bible (BSI)

¹ Tümüde nü limshude la, O Atungpuh ? Tümüde küpkhuk kim ching nü jikcho?

MUNGSHIKHÜN 10:1 Iomraidhean Croise

JOB HU H T ANYU 13:24

Tümüde nünü nü miro ramcho le, tüsho I nü riri khecho le?

JOB HU H T ANYU 23:9

Huzulim api jikchoh tüsho inü api mükheahkhuk; inü tsülim anguhchoh tüshe inü api müngükhuk.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 22:1

I Thrünpuh, I Thrünpuh, tümüde nünü I bahyuka la? Tümüde I rungpü, I ashearakhi chingnü limshude la?

MUNGSHIKHÜN 27:9

I kheaknü nü miro düjik, nü yamlarü bukakhiukde dütsoshih; nü I rungrü lakheah. I dübahjih yungsho dübahyuk O I akhümkhit Thrünpuh!

MUNGSHIKHÜN 30:7

O Atungpuh , nü tsükhinü I awung adüküng nangde kamshih; tüshe nü miro I kheaknü ajikchoki I trede alakheah.

MUNGSHIKHÜN 44:24

Tümüde nü miro ramcho, tüsho isa thsünü le junokhi mihcho?

MUNGSHIKHÜN 44:25

Tümüde isa me asungthulung ching mükhümrama lah; isa pang alo kheak lüpkihchoh.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 88:14

Atungpuh , tümüde nünü I me bahyuka la? Tümüde nü miro I kheaknü jika la?

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!