MUNGSHIKHÜN 1:3 - AMÜSÜH HÜM CL Bible (BSI)

³ Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 1:3 Iomraidhean Croise

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

THRÜNTAN 39:3

Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

2 KIULONG THSÜRÜ 18:7

Atungpuh api lung lakheah; api yüpung alala ching akuk ngü. Apinü Asiria kiulongthsüpuh azhih tüsho api mütankih.

1 KIUTHSÜYUKHEAN 22:11

Kheakü, I tsah-a, Atungpuh nü lung lashang, junangde apinü nü ki thakhi nangde, Atungpuh nü Thrünpuh yam akuk ngüde thsang.

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

2 KIUTHSÜYUKHEAN 31:21

Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

2 KIUTHSÜYUKHEAN 32:23

Ahihdonü Jirusalem ching Atungpuh kilim thsambahbo tüsho Juda kiulongthsüpuh Hezekia kilim shoto kukrukbo lude arü, junangde ju kimnü rünbah trükshih alala miki api shuhkih.

JOB HU H T ANYU 14:9

kenü apangkhi hode akhuh arübah tüsho sangji anini nangde akhahbo chinbah.

JOB HU H T ANYU 22:28

Nünü tümükhüh khipkhitbah tüsho ju nü thsungkheak labah tüsho ayinnü nü limrobo kheak yinshihbah.

MUNGSHIKHÜN 128:2

Küyimki nünü nü khahnü arhimokhi tsühbanü, nü asühbah, tüsho nü tsüde alabah.

MUNGSHIKHÜN 129:8

Yungsho arü ki tsahhorü shenü mütha, “Atungpuh müngühmühi nüsa kheak lashang; isanü Atungpuh mung chingnü nüsa müngühjihchoh!”

MUNGSHIKHÜN 92:14

Arübo ashinshu she sangaso asobah; arübo rhüngrhüngde tüsho phüyakde alabah,

MUNGSHIKHÜN 92:15

Atungpuh ju alungki de akhipkhitpü labah; api I lungto, tüsho api kheak thiyuro-mülungkikhi tümü müla.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

ISAIA 44:4

Arübo kesang nangde yungzü bukkhi miki sangdung nangde asürübah.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

JEREMIA 17:8

Api a keyean khimkhi sangdung nangde ayingbo keyung ching chinde yüchoh. Alamlam arüchoki mütre; ayübo kamruhroro phüyaklah. Tsüng marüchoki atrepü müla, aso asodü lang lachoh.

EZEKIEL 17:8

Ha ke suhdahkhi alo atsü ching khima lakheah, junangde akhahbo chin, aso aso tüsho athukhi kurungaso khülang kam.

EZEKIEL 19:10

Nü be ju nü yo kurungasolu ching kurungaso khülang ke ching khimkhi nangde lah; Ke suhdahkhi hode aso aso tüsho akhahbo mide la.

EZEKIEL 31:5

Ke suhdahkhinü thulu sangdungbo alala kumung changde yükih; sangkhahbo tode ashangshang kam.

EZEKIEL 47:12

Ayung münküp thrip abande, tsühyungpü thsungkheak sangdung aphuaphu mukhuhbah. Ayübo muyiuh yungsho asobo mayo, tüshe khinu abande aphüyak asobah, tümütüsho arü thsungkheak arüngakopung chingnü ke bukchoh. Sangasobo ju tsühyungpü thsungkheak labah, tüsho ayübo ju moli labah.”

WÜHKHE 24:6

Jindükhünbo yapkihde limshu ching yükhi nangde, ayung yean shahwünbo nangde, Atungpuhnü akhimkhi molisang nangde, ke mungyean lakhi cedar sang nangde.

MATHI 13:6

Tüshe küyimki ani akhiukkhea, arü kheak thsahkih, tüsho arü ying mülamonü yiuhabah.

MATHI 21:19

Limmungyean khubasodung zhipde ngübah apinü yü, tüsho ju kheak tümü müngü tüshe ayübo lang alakheah. Tüsho apinü ju ki tha, “Küyimkishe nü kheaknü aso dasolo!” Tüsho judüchokinü khubasodung ju yiuhabah.

MATHI 21:34

Küyimki yimlupü kim khiungkhea, apinü thulu-mücherü kilim yimlukhi chingnü shihcham lupü ayamlarübo yüshih;

MATHI 21:41

Arünü alo, “Apinü jurü amütsürü thsümüchide asheshihbah, tüsho yimlu kim ching api hi shihcham jihshihpü thsüde kurungasolu ju thulu-mücherü püpürü kilim jihbah.”

JOHAN 15:6

Khürünü I kheak mülasho, sangkhah nangde jipa bahchoh tüsho kungabahchoh; arünü jurü hanmukhungbah mo ching jipyukchoh, tüsho jurü aniuabahchoh.

YUZÜNGTHALO 28:8

“Atungpuhnü nüsa jakam tüsho nüsanü arhimokhi alala ching müngühjihbah, tüsho Atungpuh nüsa Thrünpuhnü ajihkhi lo ching apinü nüsa müngühjihbah.

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;

AMIKHEAKAKHIUKKHI 22:2

kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.