MÜCHITMUDU 9:6 - AMÜSÜH HÜM CL Bible (BSI)

⁶ Makhakhi bahyukang tüsho laang, tüsho anikhitkhi limro ching yüang.

MÜCHITMUDU 9:6 Iomraidhean Croise

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 45:10

Aniang, O tsührübe, lümakheahang, tüsho nü nükhün muphoang; nü mihtsürü tüsho nüsa buhtsührü mihabahang;

MÜCHITMUDU 10:17

Shepünü thsangdankhi zochonü rhangdung limro ching lah, tüshe shepünü athürühkhi reanglochonü tsophülapchoh.

MÜCHITMUDU 13:20

Shepü lümlung larü mihtsürü lung tsahchonü lümlung labah, tüshe makharü müyamrübo a athsümünimbah.

MÜCHITMUDU 23:19

I tsah-a, aniang tüsho lümlung laang; tüsho alungki limro ching nü mulong besoang.

MÜCHITMUDU 4:11

Inü nü lümlung limro chingnü thsangyudo; inü alungki tsahpungbo ching nü bedo.

MÜCHITMUDU 8:35

Tümüde sherünü I ngüchonü rhangdung ngüchoh, tüsho Atungpuh kilimnü asühkhi leangkhichoh;

MÜCHITMUDU 9:11

Tümüde I hode nü nimungbo alü kamshihbah, tüsho rhangdung kambo nü kilim yukajakjihbah.

EZEKIEL 11:20

Jushu arünü I yakzan thsükhibo yanbah tüsho I yakzanbo zopü kümkangbah. Arü ju I mihtsürü thsübah, tüsho I ju arü Thrünpuh thsübah.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

LUKNÜ ATHRÜTKHI THIYUSHEAK-ATSÜ HUHTANYU 13:24

“Chipimurung amütsümbe chingnü ayüzahpü mürangang, tümüde inü nüsa ki thachoh, ahihkhühnü ayüzahpü yimbah tüshe mukukde alabah.

YUNIRÜBO RHIMO 2:40

Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

AMIKHEAKAKHIUKKHI 18:4

Judüki yinmi chingnü düsheak püpü thakhi inü so, “Alibe kinü akhiukang, I mihtsürü, jude yungsho nüsanü anihbe neakbo ching shihcham lubah, jude yungsho nüsanü anihbe arümbo ching shihcham lubah;