MÜCHITMUDU 9:1 - AMÜSÜH HÜM CL Bible (BSI)

¹ Lümlungnü anihbe yam thsüdo, tüsho dungjing thüne khimdo;

MÜCHITMUDU 9:1 Iomraidhean Croise

1 KIULONG THSÜRÜ 7:21

Apinü arüngyam thüyamto ching dungjingbo khima zhipshih; apinü abolim dungjing khima zo tüsho Jakin de ji; tüsho apinü akulim dungjing khima zo tüsho Boaz de ji.

1 KIULONG THSÜRÜ 7:6

Apinü dungjingbo bebah thüyambo ayunglim khahnap 50 tüsho atolim khahnap 30nü thsü. Ju miki dungjingbo bebah mükü tüsho azhindobe lakheah.

MÜCHITMUDU 1:20

Lümlungnü kiudunglimrobo ching achangnü jichoh; anihbenü wungdophulung ching adüsheak zhichoh.

MÜCHITMUDU 2:1

I tsah-a nünü I yubo leangkhisho, tüsho I yukhümbo nü kheak lashihsho,

MÜCHITMUDU 24:3

Lümlung tüsho anikhitkhi khimtan kheaknü thüyambo thsüchoh;

MÜCHITMUDU 3:1

I tsah-a I yakzan dümih, tüshe nü mulongnü I yukhümbo zoshang;

MÜCHITMUDU 8:1

Lümlungnü müzhi de, tüsho anikhitkhinü anihbe düsheak mushuhkih de?

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.