MÜCHITMUDU 8:36 - AMÜSÜH HÜM CL Bible (BSI)

³⁶ tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

MÜCHITMUDU 8:36 Iomraidhean Croise

JOB HU H T ANYU 35:6

Nünü neak yihbeaksho, api azhihde nünü arhimokhitkhi tümü la? Tüsho nünü alakmihkhi hihmonü nünü api ki tümü thsüpü?

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

MÜCHITMUDU 12:1

Shepünü thsangdankhi muzhochonü mükheahmudu muzhochoh, tüshe shepünü athsülangkhi thraneanchonü makharü ah.

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 20:2

Kiulongthsüpuh bukmükekhi ju kekhüzü arungkhi lah; shepünü küdah thsüde bukakhiukchonü nihbuh rhangdung azhihde neak yihbeakchoh.

MÜCHITMUDU 21:6

Akeangyu mulo hode angükhi lakhitbo ju nahde akheambe kesheak tüsho ashebe müthrim ah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

JEREMIA 27:13

Tümüde nü tüsho nü mihtsürübo, trükshih khürünü Babilon kiulongthsüpuh mütankihpü dünkheak Atungpuhnü asukkhi nangde nukshang, khümzung tüsho arüm-tukthsünü ashepü?

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 16:28

Tüshe Paulnü düsheak achangnü zhi, “Nü düyuri tümüde isa alala ha ching lah.”

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,