MÜCHITMUDU 8:17 - AMÜSÜH HÜM CL Bible (BSI)

¹⁷ Sherünü I muzhochonü inü muzhochoh, tüsho sherünü düshihde I yimchonü I ngübah.

MÜCHITMUDU 8:17 Iomraidhean Croise

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MÜCHITMUDU 1:28

“Judüki arünü I ki jibah, tüshe inü malojih; arünü I düshihde ayimbah, tüshe arünü I müngü.

MÜCHITMUDU 2:4

nünü shotoyinchi nangde anihbe yimsho, tüsho rama lakhi rahpungbo nangde anihbe yimsho;

MÜCHITMUDU 2:5

judüki Atungpuh trekhi anikhitbah, tüsho Thrünpuh mükheahmudu ngübah.

MÜCHITMUDU 4:6

Anihbe dübahyuk, tüsho anihbenü nü küma lashihbah; anihbe muzhoang, tüsho anihbenü nü aheangbah.

MÜCHITMUDU 8:16

I hode yakzanshuhrübo, atorübo, alomi mahkhaprübo alalanü yakzan shuhchoh.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

KHÜNBOLUNGKHÜN 3:4

Anükhüh labah inü arü hodunglim, I menü amuzhobuh inü ngü, inü api ramlo, tüsho I zübekhi I be yam khiungshak ching bede marüyi khiungde inü api mutsoshih.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 16:27

tümüde Abuh küdahnü nüsa muzhochoh, tümütüsho nüsanü I muzhodo tüsho I ju Thrünpuh kilimnü arükheah de kindo.

JOHAN 5:4

Tümüde kim kim ching yunirü khülang kedükim ching yüki tüsho ke ju abükshih; tüsho ke abük dunglim shepü akhuh yüzahbanü api tukthsü tümü lanü thsüngude la.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

1 JOHAN 4:19

Isanü muzhochoh, tümütüsho apinü akhuhde isa muzho.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.