MÜCHITMUDU 8:15 - AMÜSÜH HÜM CL Bible (BSI)

¹⁵ I hode kiulongthsürübonü kiulongthsüchoh, tüsho yakzanshuhrübonü thiyuro yakzan thsüchoh.

MÜCHITMUDU 8:15 Iomraidhean Croise

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

1 KIULONG THSÜRÜ 5:7

Küyimki Hiramnü Solomon yubo sokhea, apinü khide asüh, tüsho tha, “ Khihni ha mihtsürü ato kurungkheak lapü thsüde David kilim lümlung lakhi tsührü khülang jihbuh Atungpuh shiang.”

1 KIUTHSÜYUKHEAN 28:5

Tüsho I tsührübo lungnü (tümüde Atungpuhnü I kilim tsührü ahihdo jih) apinü I tsührü Solomon Israel kurungkheak A TUN GPU H kiulongthsü-binkiu kheak binpü mokhit.

2 KIUTHSÜYUKHEAN 1:10

Kheakü ha mihtsürübo limbepü I kilim lümlung tüsho mükheahmudu jihang, tümüde ha nü mihtsürü ato shenü yakzan shuhkhukpü?”

2 KIUTHSÜYUKHEAN 1:11

Thrünpuhnü Solomon ki alo, “Tümütüsho ha nü mulong ching laa lah, tüsho nünü alakukruk, lakhit, wüntrepü, yungsho nünü athraneanrü rhangdung thsungkheak mükheang, tüsho kutsüp thsungkheak she mükheang, tüshe nünü I mihtsürü kurungkheak inü nü kiulongthsürü kamshihkhi yakzan shuhkhukpü thsüde lümlung tüsho mükheahmudu kheang,

MUNGSHIKHÜN 2:10

Jumonü kheakü, O kiulongthsürübo, lümlung laang; kurhangang, O alomi yakzanshuhrübo.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

MÜCHITMUDU 29:4

Kiulongthsürünü thiyuro hode alomi düküngshihchoh, tüshe shepünü buknimbo leangkhichonü ju thokheamchoh.

MÜCHITMUDU 8:16

I hode yakzanshuhrübo, atorübo, alomi mahkhaprübo alalanü yakzan shuhchoh.

ISAIA 1:26

Tüsho inü nü yo mahkhaprübo akhuhlim nangde akamshihbah, tüsho nü yo lümthiyan-jihrübo atankih nangde akamshihbah. Ju dunglim nü thiyuro-lungki, athülünkhi kiuto de ajibah.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 9:17

Küyimki Samuelnü Saul ngükhea, Atungpuhnü api ki tha, “ Ha ching inü nü ki thakhi mihtsürü lah. Apinü I mihtsürü kurungkheak yakzan shuhbah.”