MÜCHITMUDU 8:13 - AMÜSÜH HÜM CL Bible (BSI)

¹³ Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

MÜCHITMUDU 8:13 Iomraidhean Croise

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 101:3

Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

MUNGSHIKHÜN 119:104

Nü yukhümbo hode inü anikhitkhi ngüchoh; jumonü inü arükchih limro alala thraneanlah.

MUNGSHIKHÜN 119:128

Jumonü lüpdükhi thsungkheak nü yukhüm alala alungki de inü lümchoh; amülim limro alala inü thraneanlah.

MUNGSHIKHÜN 138:6

Atungpuh ju achang kheak lalashe, apinü akheamkhibe kheahyuklah; tüshe apinü akükheangrübo a limshu chingnü mükheahlah.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

ABEKHIT 1:17

Tüshe anenü Thrünpuh trekhinü kiulongthsüpuhnü athakhi ju manide khungarü athrürü zübekhibo ju rhangdung lashih.

MÜCHITMUDU 10:31

Thiyuro-lungkirü münnü lümlung hande arüchoh, tüshe mülapmüji mulo tsütkhita bahchoh.

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

MÜCHITMUDU 16:5

Mihbüm aban mulong ching kükheangrü Atungpuh kilim athraneanbe lah; apinü küyimkishe arübo müthsümüchidüa mutsoshih.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

MÜCHITMUDU 4:24

Mülapmüji mün, tüsho thsüpkhilukhi münküpbo nü kheaknü dükhea tsoshang.

MÜCHITMUDU 6:12

Amüthülünkhi mihtsürü mihbukmuyuk mihtsürünü mülapmüjide tsahchoh;

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

ZEKARIA 8:17

khülangnü khülang azhihde nüsa mulongbo ching amütsü düthsü, tüsho akeangyu thiyuchihchim dümuzho; tümüde harü alala inü athraneankhi lah, Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

1 TESALONIKA 5:22

amütsü mungjibo chingnü bahkhiang.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

1 SAMUEL 2:3

Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.