MÜCHITMUDU 7:7 - AMÜSÜH HÜM CL Bible (BSI)

⁷ tüsho rük-thülihrü athunurü bolung anikhitpü mülakhi athunu mihtsürü khülang ngükhit,

MÜCHITMUDU 7:7 Iomraidhean Croise

JOB HU H T ANYU 24:15

Müzammüramrü müknü she shuhyini aleangde thachoh, “She müknü I müngü”; tüsho apinü amiro müthrichoh.

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MÜCHITMUDU 1:22

Külokhüh nüsa lümlung thülihrünü nüsa athülih limrobo muzhoba? külokhüh nüsa kithsükilangrünü kithsükilangkhi ching asühba tüsho makharünü mükheahmudu thraneanba?

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

MÜCHITMUDU 1:4

lümzülümdo thülihrü kilim lümlung, athunu mihtsürü kilim mükheahmudu tüsho adüngakhi jihpü–

MÜCHITMUDU 10:13

Shepü anikhitkhi lanü amünküpbo kheak lümlung ngüchoh, tüshe tso khülang ju anikhitkhi mülarü düthsün thsungkheak lah.

MÜCHITMUDU 12:11

Shepünü nihbuh lo wochakchonü tsühyungbe suhdahde alabah, tüshe shepünü hoshiho-rabanü anikhitkhi müla.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

MÜCHITMUDU 14:18

Yancho mihtsürünü makhakhi yamrüplurüpbo luchoh, tüshe rükri larü a mükheahmudunü kuthran thranjihchoh.

MÜCHITMUDU 19:2

Mükheahmudu mülade künsahde alümkhi ju atsü yung, tüsho shepünü niokheamchonü limro dungmihchoh.

MÜCHITMUDU 19:25

Luhmünerü shikang, tüsho lümthülihrünü lümlung anikhitbah; mütsankhit mihtsürü thürühang, tüsho apinü mükheahmudu alü thsübah.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

MÜCHITMUDU 24:30

Inü yomuhyothsünrü lu hode yü, tüsho anikhitkhi mülakhi mihtsürü kurungasolu hode yü;

MÜCHITMUDU 27:12

Rük lakhi mihtsürünü amütsü ngüjungbah jikchoh; lümlangrünü yüchoh tüsho thsünüchoh.

MÜCHITMUDU 5:1

I tsah-a, I lümlung aniang; tüsho I anikhitkhi lim nü nükhün muphoang,

MÜCHITMUDU 6:20

I tsah-a, nü buh yukhümbo zoang, tüsho nü be yakzan dübahyuk.

MÜCHITMUDU 6:32

Shepü aliberü kheak müzammüram yihbeakchonü anikhitkhi mülachoh; shepünü jude thsüchonü nihbuh thsümünimchoh.

MÜCHITMUDU 8:5

O nüsa lümthülihrübo, lümlung anikhitang, tüsho nüsa makharübo, anikhitkhi mulong thsang.

MÜCHITMUDU 9:16

“Shepü lümlung mülanü ha ching rholode azahang”; shepü anikhitkhi mülanü anihbenü api ki thachoh,

MÜCHITMUDU 9:4

“Shepü lümlung mülanü ha ching rholode azahshang!” Shepü anikhitkhi mülanü anihbenü api ki thachoh,

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

MATHI 15:16

Jumonü Jisunü tha, “Nü she kheakü khiungde manikhityi de?