MÜCHITMUDU 7:26 - AMÜSÜH HÜM CL Bible (BSI)

²⁶ tümüde alibenü ahihdo yuria keamshihdo, tüsho anihbenü alaksahkhi alala sühmüh larü mihtsürübo lakheah.

MÜCHITMUDU 7:26 Iomraidhean Croise

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

NEHEMIA 13:26

Inü tha, “Hadürü khiungkeberü lukhi hode kiulongthsüpuh Solomonnü neak yihbeakkhi yung de? Api püpürü lomi kiulongthsürübo kheaknü atobe lakheah. Thrünpuh nü api muzho tüsho Israelrü kurungkheak kiulongthsüshih, tüshe apinü amünean ching ayokhi.

MÜCHITMUDU 2:18

Tümüde anihbe yam ashepü lim keamyukchoh, tüsho anihbe limrobo ashekhi lim lah;

MÜCHITMUDU 23:28

Arünü jangkhijangrarü nangde nü jimde binchoh tüsho athrürü ahihdo thiyuro mülakhi kamshihchoh.

MÜCHITMUDU 6:33

Trünthsükhi tüsho mungchih apinü angübah, tüsho api achih ngükhi nana mübah.

MÜCHITMUDU 7:27

Alibe yam ju kiuyuk limro lah, ashe khiungshakbo lim yükichoh.

MÜCHITMUDU 9:18

Tüshe ju ching ashepü lah, anihbe hanrübo ju Ashe-lomi asükbo ching lah de apinü mümükheah.

1 KORINT 10:8

Arü khürünü rhimobah nimung khülang chingnü 23,000 keamkhi nangde isanü müzammüram ching mümüneanbeah.

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

MAHKHAPRÜ 16:21

Judüki Filistiarünü api rambah amükjibo khünkhit tüsho Gaza ching bede yü. Arünü api müwayinchi liunü rhük, tüsho rihyam ching hi churü kamabah.