MÜCHITMUDU 6:6 - AMÜSÜH HÜM CL Bible (BSI)

⁶ Müje kilim yüang, nüsa yomuhyothsünrü! Anihbe limrobo lümakheahang tüsho lümlung laang,

MÜCHITMUDU 6:6 Iomraidhean Croise

MÜCHITMUDU 1:17

Tümütüsho wuhnu khürünü kheahde alachoki aphuhbe zokhi ju akeangkeang;

MÜCHITMUDU 10:26

Hü ching asanke tüsho mükbo ching mokhüh nangde, anihbuh thiyibuh ki yomuhyothsünrü ju ruk ah.

MÜCHITMUDU 10:4

Yomuhkhi khahbonü mihtsürü zhochihchoh, tüshe jinjihkhi khahbonü lakhit hande arüchoh.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 15:19

Yomuhyothsünrü limro ju ayangbonü rhamdolah, tüshe alungkirü limtsahpung a limto ah.

MÜCHITMUDU 18:9

Shepü nihbuh rhimo ching yomuhyothsün lanü tode athsümünimrü lung keoniorü ah.

MÜCHITMUDU 19:15

Yomuhyothsünkhinü yapnekudopü hande arüchoh, tüsho yiuhyiuhrara mihtsürü a khümde lachoh.

MÜCHITMUDU 19:24

Yomuhyothsünrünü nihbuh khah phuru ching chungyuka zochoh; apinü amün ching she hanlode marü.

MÜCHITMUDU 20:4

Yomuhyothsünrünü akheahmünchi ching muwochak; jumonü yimlupü kim ching api tümü müngüchoh.

MÜCHITMUDU 21:25

Yomuhyothsünrü tsühneyungnekhinü api laksahbah, tümüde api khahbonü rhimopü thsunglo.

MÜCHITMUDU 22:13

Yomuhyothsün mihtsürünü thachoh, “Wungdo ching kekhüzü lah! I a wungdophulung ching nguhsahbah!”

MÜCHITMUDU 23:19

I tsah-a, aniang tüsho lümlung laang; tüsho alungki limro ching nü mulong besoang.

MÜCHITMUDU 30:24

Alomi kheak lakhi mungji phüyi anini lah, tüshe arübo khide lümlung lah:

MÜCHITMUDU 30:25

Müjebo ju sühmüh mülakhi lorilokobo, tüshe arünü muzhu ching arü tsühyungbe shumukhunga zochoh.

MÜCHITMUDU 6:9

Külokhüh nü yapnekudoba, O yomuhyothsünrü? Nü ayapkhi chingnü küyimki asürüba?

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

JEREMIA 8:7

Thüning ching kewuhnunü she kim mükheahlah; tüsho müthrithrümpü, tsütsüpü tüsho kiurürütnü arü arüpü kim mükheahlah; tüshe I mihtsürübonü Atungpuh yuzüng mümükheah.

MATHI 25:26

“Tüshe api putungrünü anihbuh ki tha, ‘Nü mihbukmuyuk tüsho yomuhyothsün yamlarü, inü mümükheankhi ching inü yimluchoh tüsho müjih muhiupung ching hanmukhungchoh de nünü mükheahlah.

MATHI 6:26

Thüning wuhnubo kheahang, arünü mümükhean yungsho müyimlu yungsho jakam ching mühanmukhungchoh; tütüshe yinmi ching nüsa Abuhnü arü akamchoh. Arü kheaknü nüsa alü adün lakhi yung de?

ROMRÜ KILIM PAULNÜ ATHRÜTKHI KIHÜM HUHTANYU 12:11

Küyimkishe mükünmuthsung düthsü, Me ching düküngde Atungpuh tankihang.

IBRI 6:12

junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.