MÜCHITMUDU 6:32 - AMÜSÜH HÜM CL Bible (BSI)

³² Shepü aliberü kheak müzammüram yihbeakchonü anikhitkhi mülachoh; shepünü jude thsüchonü nihbuh thsümünimchoh.

MÜCHITMUDU 6:32 Iomraidhean Croise

THRÜNTAN 41:39

Pharaonü Josep ki tha, “Thrünpuhnü ha alala nü ki huhdo, nü nangde sheshe mütsankhitkhi tüsho lümlung larü müla.

ABEKHIT 20:14

“Nünü müzammüram düyihbeak.

MÜCHITMUDU 10:13

Shepü anikhitkhi lanü amünküpbo kheak lümlung ngüchoh, tüshe tso khülang ju anikhitkhi mülarü düthsün thsungkheak lah.

MÜCHITMUDU 10:21

Thiyuro-lungkirü yubonü ahihdo kilim alü thsüshihchoh, tüshe makharü a lümlung mülakhinü shechoh.

MÜCHITMUDU 11:12

Shepü lümlung mülanü api yamhingrü mükhemükimchoh, tüshe anikhitkhi mihtsürünü malande lachoh.

MÜCHITMUDU 12:11

Shepünü nihbuh lo wochakchonü tsühyungbe suhdahde alabah, tüshe shepünü hoshiho-rabanü anikhitkhi müla.

MÜCHITMUDU 2:2

junangde lümlung lim nü nükhün muphosho, tüsho anikhitkhi lim nü mulong lasho;

MÜCHITMUDU 24:30

Inü yomuhyothsünrü lu hode yü, tüsho anikhitkhi mülakhi mihtsürü kurungasolu hode yü;

MÜCHITMUDU 6:33

Trünthsükhi tüsho mungchih apinü angübah, tüsho api achih ngükhi nana mübah.

MÜCHITMUDU 7:7

tüsho rük-thülihrü athunurü bolung anikhitpü mülakhi athunu mihtsürü khülang ngükhit,

MÜCHITMUDU 8:36

tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

MÜCHITMUDU 9:4

“Shepü lümlung mülanü ha ching rholode azahshang!” Shepü anikhitkhi mülanü anihbenü api ki thachoh,

JEREMIA 5:21

Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

JEREMIA 5:8

Arübo ju tsüde yimkipkhi khorapung nangde, nihbuh yamhingrü niuberü mürühchoh.

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

HOSEA 13:9

Inü nü thsümüchibah, O Israel; shenü nü rungkhiba?

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.