MÜCHITMUDU 6:19 - AMÜSÜH HÜM CL Bible (BSI)

¹⁹ arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

MÜCHITMUDU 6:19 Iomraidhean Croise

MUNGSHIKHÜN 27:12

I riribo lümkhi ching I düyukjih, tümüde athsümünim sheak thsükhitde I azhihde thiyumütsan wusudo.

MUNGSHIKHÜN 35:11

Mihmukhiuh thiyumütsanbo I azhihde arüchoh; inü mümükheahkhi arünü I ki keokhichoh.

ABEKHIT 20:16

“Nünü nü yamhingrü azhihde arükchih thiyumütsan düthsü.

ABEKHIT 23:1

“Nünü akeangyu thiyusheak mahiuhbeah. Thiyuro mülakhi thiyumütsan thsüpü mihbukmuyukrü dürung.

MÜCHITMUDU 12:17

Shepünü thiyuro asukchonü thiyuro-lungki khipkhitchoh, tüshe arükchihnü akeangyu thiyumütsan thsüchoh.

MÜCHITMUDU 14:5

Thiyuro lakhi thiyumütsannü akeangyu mütha, tüshe arükchih thiyumütsannü akeangyu thachoh.

MÜCHITMUDU 16:28

Mülapmüji mihtsürünü rukachih akhiukshihchoh, tüsho juphityuphitnü müyamrü khungbo thraza thsüjihchoh.

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 19:9

Arükchih thiyumütsan jihrü müthsümüchidüa mutso, tüsho shepünü akeangyu asukchonü adükheakbah.

MÜCHITMUDU 21:28

Arükchih thiyumütsan adükheakbah, tüshe düshihde lümakheahrü yu rünkhiungbah.

MÜCHITMUDU 22:10

Luhmünerü yankhita bahang, tüsho marüpachihkhi tsobah, tüsho rukachihkhi le mükhemükim thakhi arün thsübah.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

MÜCHITMUDU 26:20

Sang mülasho mo mütabahchoh; jipjiprara mülasho rukachih kheamchoh.

MÜCHITMUDU 6:14

mülapmüji api mulong ching lah, apinü mutuklode amütsü asahchoh, apinü alanaji hiuchoh.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

MATHI 26:59

Kheakü amükeam putungrübo, azothsürübo, tüsho kiuthsü-binkiu alalanü api sheshihpü Jisu azhihde arükchih thiyumütsan yim,

YUNIRÜBO RHIMO 6:13

Arünü arükchih thiyumütsan jihde tha, “Ha mihtsürünü kamruhroro isa amüsüh arüngyam tüsho Mosa yakzan azhihde athapü mutuklo;

2 TIMOTHI 2:23

Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah.

JAKOB 3:18

Tüsho mungtsü-thsürünü mungtsü ching mükheankhi ju thiyuro-lungki yimlukhi lah.