MÜCHITMUDU 6:17 - AMÜSÜH HÜM CL Bible (BSI)

¹⁷ kükheangde akheahkhi, akeangyu thakhi mulo, amülim thiyih bukkhi khah,

MÜCHITMUDU 6:17 Iomraidhean Croise

2 KIULONG THSÜRÜ 21:16

Kheaküshe apinü Juda neak yihbeakshihde arünü Atungpuh miki amütsü rhimokhi kheak khiode, Manasenü Jirusalem akheamnü akheam khiungde mümiyi khiungde amülim mükihrü thiyih hihde bukshih.

2 KIULONG THSÜRÜ 24:4

tüsho apinü neak mükihrü thiyih bukshihkhi dünkheak she ah; tümüde apinü neak mükihrü thiyihnü Jirusalem mishih, tüsho Atungpuhnü neak bahjihpü mümulongde alakheah.

MUNGSHIKHÜN 10:4

Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 131:1

Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MUNGSHIKHÜN 18:27

Tümüde azhihayih mihtsürü nünü bekhitchoh; tüshe mükji müzhingrü nünü thokheamchoh.

MUNGSHIKHÜN 31:18

Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MUNGSHIKHÜN 5:6

Akeangyu tharü nünü thsümünimchoh; thiyih bukrü tüsho mülapyukrü mihtsürü Atungpuhnü thraneanchoh.

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MÜCHITMUDU 1:11

Arünü athabah, “ Isa lung arang, isanü thiyih bukpü jimde aleanganü; isanü amüdopü mülade amülim mülarü thsungkheak jimanü;

MÜCHITMUDU 1:16

tümüde arü jing amütsü lim alihchoh, tüsho arünü thiyih bukpü niokheamchoh.

MÜCHITMUDU 12:22

Keangtha münküpbo Atungpuh kilim athraneanbe lah, tüshe sherü thiyuronü akhualochonü api asühpü lah.

MÜCHITMUDU 14:5

Thiyuro lakhi thiyumütsannü akeangyu mütha, tüshe arükchih thiyumütsannü akeangyu thachoh.

MÜCHITMUDU 16:5

Mihbüm aban mulong ching kükheangrü Atungpuh kilim athraneanbe lah; apinü küyimkishe arübo müthsümüchidüa mutsoshih.

MÜCHITMUDU 17:7

Wüntre lakhi mihtsürünü akeangyu müthachoh, tüsho makharünü athülünkhi tümü thapü müla.

MÜCHITMUDU 21:4

Mük-müzhingkhi, kükheangküyang mulong tüsho mihbukmuyuk ju neak ah.

MÜCHITMUDU 26:28

Akeangyu mulo junü ayurirü thraneanchoh, tüsho münjipjipkhinü athsümünim rhimochoh.

MÜCHITMUDU 28:17

Mihtsürü shepü thiyih bukkhi amülim lanü ashekhün ching shande ayübah; shenü she api dürungshih.

MÜCHITMUDU 30:13

Mihtsürü khürü mükjibo khide müzhingde, khenoabahde kheahchoh.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 3:16

Atungpuhnü tha: Tümütüsho Zion tsührübebo kükheangküyang lah tüsho hungbo züngkihbah tsahchoh, arü mükji müzhingbah kheahchoh, arü yüchoki kakkakde, arü jing tsüngtsüngchoh;

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

JEREMIA 26:15

Ha lang nüsanü khürü mükheahpü ju, nüsanü I sheshihsho, nüsanü nüsa le ha kiuto tüsho ha ching larübo kheak mülimkhi thiyih handarübah, tümüde thiyuro ching harü yubo nüsa nükhün ching arüshihpü Atungpuhnü I thiyikheah.”

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

YUZÜNGTHALO 19:10

junangde Atungpuh nüsa Thrünpuhnü nüsa kilim yamrüplurüp jihkhi lo ching amülim mükihrü thiyih mubuk, hanangde thiyih bukkhi neak nüsa kheak müla.

YUZÜNGTHALO 27:25

“‘Shepünü amülim-mülarü laksahpü buknim lubanü api muthrumünean thsang.’ Tüsho mihtsürü alalanü athabah, “Amen!”

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.