MÜCHITMUDU 6:12 - AMÜSÜH HÜM CL Bible (BSI)

¹² Amüthülünkhi mihtsürü mihbukmuyuk mihtsürünü mülapmüjide tsahchoh;

MÜCHITMUDU 6:12 Iomraidhean Croise

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

MUNGSHIKHÜN 10:7

Api mün ju athruaji tüsho mülapmüji le ajunonü milah; api mulo khüp küpkhuk tüsho mülimkhi lah.

MUNGSHIKHÜN 101:3

Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

MUNGSHIKHÜN 59:7

Atsütsü, arü mün chingnü amapkhitchoh; arü münküp ching nukshangbo lah; tümüde arünü thachoh, “Shenü sola?”

MÜCHITMUDU 10:32

Thiyuro-lungkirü münküpbonü tümü aleangkhikhukbe lanü mükheahlah, tüshe mihbukmuyuk mün ju mülapmüji lang ah.

MÜCHITMUDU 11:6

Alungkirü a thiyuro-lungkinü arü bekhitbah, tüshe thiyuro mülakhi a arü nihbuh künkhinü aphuhbah.

MÜCHITMUDU 16:27

Amütsü mihtsürünü amütsü asahchoh, tüsho api yu thakhi mo muliukhi nangde lah.

MÜCHITMUDU 16:30

Apinü mülapmüji asahpü amük athrapchoh; apinü amünküpbo mujuhchoh tüsho amütsü hande arüchoh.

MÜCHITMUDU 17:4

Amütsü mihtsürünü amütsü lümkhibo anichoh, tüsho akeangyu tharünü akeangyu anichoh.

MÜCHITMUDU 2:12

amütsü limrobo chingnü nü bekhitpü, bephülapde asukrü mihtsürü kheaknü,

MÜCHITMUDU 3:32

tümüde münitphülap mihtsürü ju Atungpuh kilim athraneanbe lah, tüshe rama lakhi api lümthiyan ju alungkirü kheak lah.

MÜCHITMUDU 4:24

Mülapmüji mün, tüsho thsüpkhilukhi münküpbo nü kheaknü dükhea tsoshang.

MÜCHITMUDU 6:14

mülapmüji api mulong ching lah, apinü mutuklode amütsü asahchoh, apinü alanaji hiuchoh.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

JEREMIA 24:2

Muluk khülang ching akhuh münkhi khubaso nangde, khide atsü lakheah, tüshe püpü muluk ching a mütsühkhukpü thsüde khide amütsü khubaso lakheah.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

YUNIRÜBO RHIMO 20:30

tüsho nüsa bolungnü she akeangyu thaa akinrübo arü dunglim yüshihpü mihtsürü akhiukbah.

1 TIMOTHI 5:13

Kheaküshe arünü yomuhyothsünpü, yamrümpü, jipjiprarapü tüsho arünü amüthabe thade arahrungpü anikhita luchoh.

JAKOB 1:21

Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.

JAKOB 3:6

Tüsho mulo ju mo ah. Ha isa pang shihcham bolung amütsü lomi, pang athrünkhi thsümünimjihde, thsümüchi chingnü arükhi mo kheak rhangdung athrünkhi yihkih-a takchoh.

1 SAMUEL 17:28

Akhiung azopü Eliabnü mihtsürübo ki apinü athakhi so; tüsho Eliabnü David kheak alü bukakhiuk. Apinü tha, “ Tümü thsüpü nü akikhea? Sunglo ching nünü namfimihnu anükhüh thsü she ki zojihla? Nü rük thsükhi tüsho nü mulong ching amütsü lümkhi inü mükheahlah; tümüde nü a le keochihkhi kheahpü lang akia lah.”