MÜCHITMUDU 5:22 - AMÜSÜH HÜM CL Bible (BSI)

²² Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

MÜCHITMUDU 5:22 Iomraidhean Croise

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

JOB HU H T ANYU 18:8

Tümüde api jing keang ching tsahyuka tholoa lah.

MUNGSHIKHÜN 40:12

Tümüde mükhekhamkhi küpkhukbonü I mükamdoa lah; I neakbonü I zhihodo, jumonü inü mükheahkhuk; arübo I kuyübo kheaknü ahihbe ah; jumonü I mulong dükheakabahchoh.

MUNGSHIKHÜN 9:15

Trükshihbo arünü akiukhi shingkung ching keamyuk; arü zheang ching arü phuhdo.

MUNGSHIKHÜN 9:17

Mihbukmuyuk Ashe-lomi ching yübah, Thrünpuh bahyukrü trükshih alala.

MÜCHITMUDU 1:18

tüshe arünü arü nihbuh thiyih thsungkheak aleangchoh, arünü arü nihbuh rhangdungbo thsungkheak jimde binchoh.

MÜCHITMUDU 11:3

Alungkirü a thiyuronü arü bechoh, tüshe thiyuro mülarü arü rük mütsükhinü thsümünimchoh.

MÜCHITMUDU 11:5

Mungchih mülakhi thiyurolungkinü api limro lungkide abebah, tüshe mihbukmuyuk a nihbuh mihbukmuyuknü akeambah.

MÜCHITMUDU 11:6

Alungkirü a thiyuro-lungkinü arü bekhitbah, tüshe thiyuro mülakhi a arü nihbuh künkhinü aphuhbah.

MÜCHITMUDU 12:14

Mihtsürü khülang ju nihbuh mün sangaso atsünü reangkeambah, tüsho api khah rhimonü anihbuh thsambah ngübah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MÜCHITMUDU 18:7

Makharü mün ju nihbuh thsümünimbe lah, tüsho api yunü nihbuh me phuhchoh.

MÜCHITMUDU 24:12

“Tsükjide isanü ha mümükheah,” de nüsanü thasho, shepünü mulongbo adünchonü lümamükheahba de? Shepünü nü me aheangchonü ju mümükheah de? Mihtsürü aban nihbuh rhimo ayannü apinü mathrihloba de?

MÜCHITMUDU 26:27

Shepünü alokhün kiuchonü ju ching keamyukbah, tüsho shepünü lung phülahchonü junü api kheak lungkihlobah.

T H S AN GYU T H S AN GR ARÜ 7:26

Ashekhi kheaknü akhüh liberü ju azheang lakhi inü yimkhit, shepü mulong qimürip tüsho keangbo la, shepü khahbo wuhrünliubo la; shepünü Thrünpuh asühshihchonü anihbe kheaknü atsokhibah, tüshe aneakrü a anihbenü tholochoh.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

MAHKHAPRÜ 20:41

Judüki Israel mihtsürünü arü kilim rholode yü, tüsho Benjaminrü müyinsah, tümütüsho arü kheak thsümütsü arüdo de arünü mükheah.

MAHKHAPRÜ 9:57

Tüsho Thrünpuhnü Shekem mihtsürü amütsü-rhimo alala arü ku kheak jihlo, tüsho Jerubbaal tsührü Jotham muthrumünean arü kheak arü.